Friðhelgi fjölskyldunnar samkvæmt 71. gr. stjskr. og 8. gr. MSE, með hliðsjón af lögum nr. 96/2002, um útlendinga

Abstract

Í ritgerð þessari verður fjallað um hugtakið friðhelgi fjölskyldunnar og hvaða áhrif það ætti að hafa, við mat stjórnvalda, þ.e. Útlendingastofnunar og dóms- og kirkjumálaráðuneytis, á því hvort skilyrði fyrir veitingu dvalarleyfis eða brottvísunar séu fyrir hendi, þegar slíkar ákvarðanir geta valdið íhlutun gagnvart friðhelgi fjölskyldunnar. Fjallað verður almennt um hugtakið sjálft í öðrum kafla ritgerðarinnar, bæði í íslenskum rétti og hvernig hugtakið er skilgreint í Mannréttindasáttmála Evrópu (hér eftir skammstafað MSE). Í þriðja kafla verða rakin sjónarmið Mannréttindadómstóls Evrópu (hér eftir skamm-stafað MDE) hvað varðar 8. gr. Mannréttindasáttmála Evrópu, um rétt til fjölskyldulífs. Í þessu sambandi eru einnig reifaðir dómar Mannréttindadómstólsins varðandi sameiningu fjölskyldna og rof fjölskyldutengsla. Í fjórða kafla er svo fjallað um rétt útlendinga, sem aðstandanda maka, til að fá dvalarleyfi hér á landi og er þar farið yfir ákvæði laga nr. 96/2002, um útlendinga (hér eftir útlendingalög). Einnig verður reifuð hin svokallaða 24 ára regla, sem sett var með lögum nr. 20/2004. Þá verður réttarframkvæmdin á Íslandi könnuð og litið verður til íslenskrar stjórnsýsluframkvæmdar.