Uppstilling á koltrefjablöðum fyrir stífnimælingu

Abstract

Verkefni um hagræðingu í framleiðsluferli.Í framleiðsludeild stoðtækjaframleiðandans Össurar hf. eru framleiddar margar gerðir af koltrefjablöðum í mismunandi formum og gerðum. Blöðin eru notuð í gervifætur sem er ein helsta framleiðsluafurð fyrirtækisins og er dreift um allan heim. Mælingar á eiginleikum koltrefjablaðanna krefjast mikillar nákvæmni og eru þekktar og þaulreyndar aðferðir notaðar til þess í dag. Þrátt fyrir það er sífellt leitað leiða til endurbóta og hagræðingar.Í þessu verkefni er fjallað um nýjan búnað og breyttar aðferðir til að flýta mælingum á stífleika koltrefjablaða ásamt því að minnka líkamlegt álag á þá sem mælingarnar framkvæma.