Vinsamlegast notið þetta auðkenni þegar þið vitnið til verksins eða tengið í það: https://hdl.handle.net/1946/3758
Ritgerð þessi er unnin sem lokaverkefni til B.Ed-prófs við Menntavísindasviðs Háskóla Íslands vorið 2009. Tilgangur ritgerðarinnar er að skoða stöðu móðurmálskennslu erlendra nemenda á Íslandi í samanburð við Svíþjóð og einnig að kanna mikilvægi og hugsanleg áhrif kennslunnar.
Fyrst er fjallað stuttlega um tungumál, móðurmál og tvítyngi. Síðan er borin saman móðurmálskennsla á Íslandi annars vegar og í Svíþjóð hins vegar. Í sænskum grunnskólum er að meðaltali fimmti hver nemandi með einhvern erlendan bakgrunn, móðurmálskennslan er hluti af Aðalnámsskránni og nemendur með annað móðurmál en sænsku hafa að uppfylltum vissum skilyrðum lögbundinn rétt á móðurmálskennslu. Á Íslandi eru nemendur með erlent móðurmál hlutfallslega mun færri, en þó ört vaxandi hópur. Þeir hafa enn engan lögbundinn rétt á móðurmálskennslu og er hún ekki enn orðinn hluti af aðalnámsskrá. Að síðustu er fjallað um möguleg áhrif móðurmálskennslunnar á námsárangur og sjálfsmynd en þau eru m.a. rök fyrir bættri stöðu móðurmálskennslu á Íslandi.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
pdf lara.pdf | 88,31 kB | Opinn | Heildartexti | Skoða/Opna |