Heimilisofbeldi samkvæmt 218. gr. b. almennra hegningarlaga nr. 19/1940. Skilyrði og verknaðaraðferðir ákvæðisins með hliðsjón af dómaframkvæmd

Abstract

Með lögum nr. 23/2016 um breytingu á almennum hegningarlögum nr. 19/1940, tók í gildi sérstakt refsiákvæði 218. gr. b. alm. hgl., sem fjallar um heimilisofbeldi. Ákvæðinu er ætlað að veita þolendum heimilisofbeldis beinskeyttari réttarvernd ásamt því að hafa varnaðar- og fyrirbyggjandi áhrif. Ritgerð þessi fjallar um skilyrði og verknaðaraðferðir ákvæðisins og er því til hliðsjónar skoðað dómaframkvæmd í heimilisofbeldismálum fyrir og eftir gildistöku ákvæðisins. Markmið ritgerðarinnar er að skoða á hvaða skilyrði reynir oftast í framkvæmd, hvaða verknaðaraðferðir koma til greina samkvæmt ákvæðinu og í því samhengi skoða hvort ákært er fyrir ný atriði sem var ekki tækt fyrir gildistöku ákvæðisins. Einnig er skoðað hvernig ákvæðinu er beitt í framkvæmd samhliða öðrum refsiákvæðum. Í ritgerðinni er að finna almenna umfjöllun um heimilisofbeldi og birtingarmyndir þess. Jafnframt er fjallað er um þróun löggjafar í heimilisofbeldismálum fram að gildistöku 218. gr. b. alm. hgl. Enn fremur er skoðað sérstaklega löggjöf og dómaframkvæmd Noregs í heimilisofbeldismálum.