Lögskýringarsjónarmið við túlkun 71. gr. stjórnarskrárinnar um friðhelgi einkalífs

Abstract

Lögskýringarsjónarmið eru öll þau sjónarmið lögfræðinnar um það hvernig lagaákvæði skuli skýrð. Í þessari ritgerð hefur verið fengist við að varpa ljósi á þau lögskýringarsjónarmið sem dómstólar hafa almennt litið til við túlkun 71. gr. stjórnarskrárinnar sem kveður á um friðhelgi einkalífs, heimilis og fjölskyldu. Í því samhengi voru skoðaðir ítarlega dómar Hæstaréttar þar sem 71. gr. stjórnarskrárinnar var skýrð. Vikið er að grundvallaratriðum lögskýringarfræðinnar, þ.e. helstu lögskýrignarkenningar, hugtökin lögskýringargögn, lögskýringarsjónarmið og lögskýringarleið. Fjallað var um túlkun stjórnarskrárákvæða, þá sérstaklega mannréttindaákvæða stjórnarskrárinnar og þær kenningar um túlkun sem þar eiga við. Farið var almennt yfir inntak 71. gr. stjórnarskrárinnar, vikið að þróun ákvæðisins og takmörkunum á þeim réttindum sem ákvæðið verndar. Að lokum var komist að niðurstöðu um það til hvaða lögskýringarsjónarmiða dómstólar hafa almennt litið við túlkun á 71. gr. stjórnarskrárinnar og hvernig þeim hefur verið beitt í dómaframkvæmd.