Þróun meðferðarknippa fyrir eftirlit og umönnun sjúklinga á sérhæfðri hágæslu heila- og taugaskurðlækningadeild

Abstract

Bakgrunnur: Á heila- og taugaskurðdeild Landspítalans (B6) var opnuð sérhæfð hágæslueining árið 2019. Slíkar breytingar á klínísku umhverfi eru mjög krefjandi og mikilvægt að vinnuferlar sem tengjast breytingum á verklagi séu skýrir og auðveldir í framkvæmd. Víðs vegar um heim er mælt með notkun meðferðarknippa (e. care bundle) sem eru hnitmiðaðar leiðbeiningar byggðar á gagnreyndri þekkingu. Meðferðarknippi samanstanda af þremur til fimm atriðum. Markmiðið með notkun þeirra er að auka gæði, koma í veg fyrir mismunandi áherslur og tryggja stöðuleika í framkvæmd hjúkrunar. Meðferðarknippi hafa ekki enn verið þróuð fyrir heila- og taugahágæslu á Íslandi. Vanda þarf sérstaklega til þeirrar vinnu þar sem meðferðarknippi þurfa að innihalda mikla breidd þekkingar vegna þess að deildin þjónar öllum tegundum heila- og taugaskurðtilfella á landsvísu.Tilgangur: Má skipta í tvö þrep. Þrep 1. Að þróa meðferðarknippi fyrir hágæslueiningu heila- og taugskurðdeildar. Þrep 2. Að bera kennsl á hvetjandi og letjandi þætti við fyrirhugaða innleiðingu meðferðarknippa og varpa ljósi á áskoranir tengdar vinnu á sérhæfðri hágæslueiningu. Aðferð: (1) Til að þróa meðferðarknippi og fræðsluefni var leitað í íslenskum og erlendum klínískum leiðbeiningum. Hópur af heilbrigðisstarfsfólki með sérþekkingu og/eða klíníska reynslu innan heila- og taugaskurðsviðs yfirfór meðferðarknippin í þrígang og kom með tilmæli um úrbætur og breytingar á verklagi. (2) Til að fá innsýn í upplifun stafsfólks af því að vinna á hágæslu og ná fram viðhorfum um meðferðarknippi og notkun þeirra voru tekin tvö rýnihópaviðtöl við hjúkrunarfræðinga, sjúkraliða og lækna (n=13) á heila- og taugaskurðdeild. Viðtölin voru greind með efnisgreiningu. Auk þess voru lagðar fyrir 13 staðlaðar spurningar um hvetjandi og letjandi viðhorf til meðferðarknippa sem alls svöruðu 26 starfsmenn.Niðurstöður: (1) Þróuð voru eftirfarandi 8 meðferðarknippi sem fjalla um: Móttöku sjúklings, höfuðáverka, innæðahnoðrun, innanskúmsblæðingu, innanbastsblæðingu, skurðaðgerð á höfði, mænuskaða og stuðning við aðstandendur. Útbúin voru drög að skriflegum tilmælum og settur fram fræðilegur bakgrunnur meðferðarknippanna og ber heitið „Tilmæli um verklag á hágæslu heila- og taugaskurðdeildar B6“ ásamt plöstuðum vinnuspjöldum. (2) Fyrir rýnihópaviðtölin var starfsfólk beðið um að kynna sér drögin að tilmælunum og plöstuðu vinnuspjöldin. Upplifun starfsmanna af vinnu á hágæslunni var flokkuð í; (a) upphaf og viðhorf, (b) umhverfi, (c) þjálfun starfsmanna og (d) álit starfsmanna á meðferðarknippunum. Flestir starfsmenn töldu meðferðarknippin tilbúin til innleiðingar með minniháttar breytingum. Ályktanir: Starfsfólk áleit að notkun meðferðarknippanna myndi auka bæði öryggi sjúklinga og þess sjálfs og vörpuðu rýnihópaviðtölin nýju ljósi á leiðir til að efla starfsemi hágæslunnar og notkun meðferðaknippanna. Nauðsynlegt er að innleiðingarferlið verði dýnamískt og hafi langtíma markmið. Auk þess þarf að meta árangur af notkun meðferðarknippanna með rannsóknum.

Background: The Neurosurgical Department of Landspítali, University Hospital (B6) opened a specialized high-dependency care unit in 2019. It is well-known that changing clinical practice is challenging. To be successful, it is mandatory that guidelines are clear and easily understood. Use of care bundles, which are founded upon evidence-based knowledge, is widely recommended. Care bundles typically consist of three to five critical recommendations that, when followed, increase the quality of nursing and prevent diversity in caregiving. Care bundles, however, are non-existing in the Neurosurgical high-dependency care unit. Implementation of care bundles in an Icelandic context requires special consideration because the department services all types of neurosurgical patients. Therefore, the care bundles need to pertain to many different conditions.Aim: Can be divided into two sequential steps. Step 1. To develop care bundles for the Neurosurgical high-dependency care unit. Step 2. Identify the facilitating and inhibiting aspects associated with the implementation of the care bundles and to describe the experiences of healthcare professionals working in the high-dependency care unit.Method: (1) Evidence- based knowledge was sought in Icelandic and foreign clinical guidelines. An expert group of healthcare professionals with expertise and/or extensive clinical experience in neurosurgery reviewed the care bundles throughout a three-wave development. After each wave, recommendations for improvements and subsequent amendments were made. (2) To obtain insight into healthcare professionals experience of working within the high-dependency care unit and to gain insight into their opinion of the care bundles, two focus groups interviews were conducted with registered nurses, assistant nurses, physicians, and students (n=13) working within Neurosurgical care unit. Prior to the focus groups interviews, participating staff were asked to familiarize themselves with the draft of the care bundles. Interviews were analyzed with content analysis. Additionally, 13 standardized questions were posed to 26 healthcare professionals about the facilitating and inhibiting aspects of the intended implementation of the care bundles.Results: (1) Eight care bundles were developed on the following topics: patient admission, head injury, coiling, subarachnoid hemorrhage, craniotomy, subdural hematoma, spinal cord injury, and family support. The care bundles were presented in an educational book labelled “Recommendations on procedures at the Neurosurgery high-dependency care unit”. (2) The healthcare professionals experiences of working in high-dependency care unit was categorized into, (a) Initiation and attitudes, (b) Environment, (c) Training and staffing and (d) Attitudes of staff towards the care bundles. Results of the focus groups in conjunction with the replies to the questionnaire. Results indicate that the majority of staff consider the care bundles ready for implementation pending on minor changes.Conclusion: The use of care bundles are likely to increase patient safety and agency of healthcare professionals. Healthcare professionals shed light on important issues that could be used to further strengthen quality of care in the high-dependency care unit. There is a need to find dynamic ways to evaluate the effectiveness of the care bundles where the implementation phase stretches many years into the future.