is Íslenska en English

Lokaverkefni (Meistara)

Háskóli Íslands > Hugvísindasvið > Meistaraprófsritgerðir - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: https://hdl.handle.net/1946/37910

Titill: 
  • Hebreinn Safenat-panea. Söguleg egypsk áhrif í Jósefssögunni
Námsstig: 
  • Meistara
Efnisorð: 
Útdráttur: 
  • Ein af þekktustu frásögnum Gamla testamentisins er Jósefssagan. Hún er áhugaverð fyrir margar sakir og sker sig nokkuð úr öðrum frásögnum Biblíunnar. Sagan fjallar um Jósef sem var uppáhalds sonur Jakobs en hann var einn af ættfeðrum Ísraels til forna. Bræður Jósefs öfunduðu hann og seldu hann þess vegna í þrældóm til Egyptalands. Þar komst hann þó til metorða vegna ótrúlegrar atburðarrásar og endaði sem ráðsherra Egyptalands. Eftir að hafa bjargað egypsku þjóðinni og öðrum nágrannaþjóðum frá hungursneyð, fyrirgaf Jósef bræðrum sínum og þeir fluttu til Egyptalands ásamt föður sínum og fjölskyldum. Sagan myndar því brú á milli ættfeðrafrásagnanna í 1. Mósebók yfir í brottfararfrásögnina í 2. Mósebók, þar sem þar er sagt frá flutningum hinna fornu Hebrea til Egyptalands. Í verkefninu er fjallað um biblíufrásögnina af Jósef og gyðinglegar hefðir í tengslum við hana. Kaflanum um Jósef í húsi Pótífars, þar sem hann var þræll þegar hann kom fyrst til Egyptalands, verður veitt sérstök athygli í umfjölluninni. Eitt af því sem er hvað áhugaverðast við Jósefssöguna eru egypsk áhrif í textanum en sagan gerist að talsverðu leyti í Egyptalandi. Ritgerðin gerir grein fyrir þessum tengslum og fjallar um það í fræðilegu samhengi en þar kemur fram að sagan af Jósef gæti innihaldið sögulegan kjarna og vitna fornleifar og egypskar heimildir til um það. Sá sögulegi kjarni getur sannarlega haft þýðingu fyrir spurninguna um sannfræði exodus-atburðanna, þ.e. flótta hinna ánauðugu Hebrea frá Egyptalandi. Þess vegna er rætt um þau tengsl einnig. Þar er sérstaklega áhugaverð kenningin um að það hafi aðeins verið ættkvísl Jósefs sem verið hafi í Egyptalandi en ekki öll Ísraelsþjóðin.

Samþykkt: 
  • 4.5.2021
URI: 
  • http://hdl.handle.net/1946/37910


Skrár
Skráarnafn Stærð AðgangurLýsingSkráartegund 
Hebreinn Safenat-panea.pdf670.88 kBOpinnHeildartextiPDFSkoða/Opna
Yfirlýsing Pétur R..pdf1.93 MBLokaðurYfirlýsingPDF