is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/37929

Titill: 
  • Jafnræði til náms? Aðgengi flóttafólks að háskólanámi á Íslandi og í Þýskalandi
Námsstig: 
  • Meistara
Útdráttur: 
  • Viðfangsefni þessarar ritgerðar er að kanna aðgengi og stuðning á Íslandi við flóttafólk í háskólanámi. Markmiðið er að skoða hvort flóttafólk á Íslandi búi við jafnræði til háskólanáms, jafnframt því að benda á leiðir sem reynst hafa vel í Þýskalandi til að bæta stöðuna í þessum málaflokki.
    Gengið er út frá skýrslum um menntamál flóttafólks og stuðst er við kenningar um félagslegt jafnræði innan opinberrar stjórnsýslu, gagnkvæma aðlögun, óbeina mismunun og inngildingu. Notuð er aðferðafræði eigindlegra tilviksrannsókna, þar sem greindar eru fyrirliggjandi heimildir og opinber gögn frá Íslandi og Þýskalandi.
    Helstu niðurstöður sýna að flóttafólk á Íslandi býr ekki við jafnræði til háskólanáms og að stefnuleysi er ráðandi í menntamálum þeirra. Gengið er út frá því að nægilegt sé að tryggja flóttafólki sama rétt til náms og öðrum, án sértækra stuðningsaðgerða. Mikið skortir á inngildingu og dæmi eru um óbeina mismunun gagnvart þessum hópi. Kerfislæg aðlögun menntastofnana að þörfum flóttafólks er ekki til staðar, heldur ætlast til þess að flóttafólk samlagist kerfinu sem fyrir er einhliða. Draga má lærdóm frá Þýskalandi varðandi lagasetningu og aðra stefnumótun. Sértæk stuðningsúrræði til tungumála- og undirbúningsnáms fyrir háskóla eru þar einnig til fyrirmyndar, svo og sá stuðningur sem veittur er innan háskólastofnana.

  • Útdráttur er á ensku

    This study examines the access of refugees in Iceland to higher education and institutional support provided to them. The goal is to determine whether equity in education is ensured with inclusion of this group in the higher education system and to learn from others that have done well in this field.
    Primary sources include official reports relating to refugee education. The study is grounded in public administration theories of social equity, mutual integration, indirect discrimination and inclusion. It provides an overview of the situation in Iceland, then looks at policies and measures adopted in Germany.
    The results show that refugees in Iceland do not have equal access to university education and that official policies lack focus based on the assumption that to provide refugees the same right as others to higher education without any specific support is enough. More focus is needed on inclusion with indirect discrimination towards this group prevalent within the system. Structural integration to meet refugees‘ needs is lacking, they are expected to assimilate unilaterally to the existing system. Here, policies and measures adopted in Germany provide important lessons that are of great value, in particular in relation to the legal framework and other policy setting.

Samþykkt: 
  • 4.5.2021
URI: 
  • http://hdl.handle.net/1946/37929


Skrár
Skráarnafn Stærð AðgangurLýsingSkráartegund 
Sigrún Erla Egilsdóttir_MPA-ritgerð_4.5.2021.pdf794.09 kBOpinnHeildartextiPDFSkoða/Opna
Sigrún Erla Egilsdóttir_Yfirlýsing um meðferð lokaverkefnis.pdf301.71 kBLokaðurHeildartextiPDF