Birtingarmynd galdrakvenna í íslenskum og norskum sögnum

Abstract

Í þessu lokaverkefni verða birtingarmyndir galdrakvenna í íslenskum og norskum sögnum skoðaðar. Sagnirnar eru bornar saman og skoðað hvað er líkt og hvað er ólíkt í þessum sögnum frá þessum tveimur ólíkum löndum. Frekar lítið er til af sögnum um íslenskar galdrakonur þar sem flestar sagnirnar eru af galdramönnum. Þeim galdakonum sem birtast í sögnum er oft lýst sem hrekkjóttum, illum og skapvondum. Þrátt fyrir þessar lýsingar eru einnig aðrar sagnir þar sem þær hjálpa öðrum og eiga bú. Sumar kenna meira að segja karlmönnum að galdra. Í norskum sögnum eru galdrakonur yfirleitt illar og stela afurðum frá bændum sem lifðu í fátækt og við harðræði. Sagnirnar lýsa norskum galdrakonum sem skaðandi afli og boða að þeim eigi að vera refsað fyrir slíkt. Tekin eru fyrir íslensk og norsk sagnasöfn og sögnum skipt í þemu. Þessi þemu eru svo rædd og birtingarmyndir galdrakvenna í þeim bornar saman.