is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/38085

Titill: 
  • Lukkupakkar: aukið virði eða þvingun á neytandann. Hvernig tölvuleikjafyrirtæki auka hagnað með lukkupökkum og hvort þeir hafi raunverulegt gildi fyrir neytendur
Námsstig: 
  • Bakkalár
Leiðbeinandi: 
Efnisorð: 
Útdráttur: 
  • Efni lokaritgerðarinnar sem verður skoðað er fyrirbærið Loot boxes (stundum kallað öðrum nöfnum á borð við Loot crate eða Prize crate). Loot boxes eða lukkupakkar eins og þeir verða núna kallaðir er óáþreifanleg vara sem er fáanleg í tölvuleikjum. Þetta er ný aðferð sem mörg tölvuleikjafyrirtæki notast við til að geta orðið sér úti um frekari tekjur af upprunalegu vörunni eða nota það sem megin tekjuöflun leikja.
    Lukkupakkar virka þannig að spilarar greiða auka mynt eða nota gjaldmiðil inni í leiknum í þeirri von að fá viðbætur. Þessar viðbætur geta orðið þeim í hag, veitt gleði eða haft persónulegt virði (e. Value). Það eru mismunandi hlutir sem geta leynst í þessum pökkum eins og veggjakrot (e. Sprays), dansspor eða hljóðbrot svo eitthvað sé nefnt. Það sem spilarar leitast helst eftir að fá eru búningar (e. Skin) eða einhverskonar útlitsbreyting á persónu sinni innan tölvuleiksins.
    Markmið þessarar ritgerðar er að varpa ljósi á lukkupakka svo hægt sé að skilja betur hvernig þeir virka. Hvort þetta sé raunveruleg viðbót fyrir neytandann, hvaða virði er sett á óáþreifanlegu vöruna, væntingar um uppfærslur eða hvort líkja megi þessu við falsað virði. Hve hátt er hlutfall tekna sem fyrirtæki afla sér inn með þessari aðferð, hvað orsakar velgengni lukkupakka og hvaða áhrif geta þeir haft til lengri tíma?
    Eru lukkupakkar komnir til að vera eða þurfa ríki og stofnanir að setja upp eftirlit og herða reglur um notkun slíkra viðbóta? Gætu þau þannig einblínt betur að heilsu einstaklinga sem glíma við einkenni af spilafíkn?

Samþykkt: 
  • 6.5.2021
URI: 
  • http://hdl.handle.net/1946/38085


Skrár
Skráarnafn Stærð AðgangurLýsingSkráartegund 
Lukkupakkar aukið virði eða þvingun á neytandann.pdf486.95 kBOpinnHeildartextiPDFSkoða/Opna
Yfirlýsing.jpg34.03 kBLokaðurYfirlýsingJPG