Viðhorf starfsfólks og foreldra til trúarbragðafræðslu á leikskólum : rannsókn á 6 leikskólum Kópavogsbæjar

Abstract

Markmiðið með þessari rannsókn var að komast að því hver viðhorf starfsfólks leikskóla og foreldra er til trúarbragðafræðslu á leikskólum og hver staða trúarbragðafræðslu er á leikskólunum. Rannsóknin var gerð með blandaðri rannsóknaraðferð sem fólst í að senda spurningalista til starfsfólks og foreldra barna í sex leikskólum ásamt því að taka viðtöl við tvo leikskólastjóra. Kenningar nokkurra fræðimanna, svo sem Hönnu Ragnarsdóttur, Kristínar Dýrfjörð og Eleanor Nesbitt, voru hafðar til hliðsjónar en þeir eru flestir á þeirri skoðun að einhver fræðsla um trúmál sé nauðsynleg bæði til uppbyggingar sjálfsmyndar barna og til þess að börn læri að bera virðingu og viðhafi umburðarlyndi gagnvart öðrum samfélagsþegnum.Í ljós kom að starfsfólk og foreldrar voru sammála um margt sem tengist trúarbragðafræðslu en þau greinir á um hvort kenna eigi trúarbragðafræðslu á leikskóla. Mikill meirihluti foreldra vill að börnin þeirra læri um trúarbrögð á leikskóla en starfsfólk er á öndverðum meiði.