Gengisflökt og erlend fjárfesting. Tímaraðagreining á gengisflökti krónunnar og áhrif þess á beina erlenda fjárfestingu

Abstract

Síðan fall Bretton-Woods átti sér stað á áttunda áratugnum hefur gengisstefna stjórnvalda hér á landi verið síbreytileg, allt frá fastgengisstefnu til fljótandi gengis og verðbólgumarkmiðs. Gengisflökt krónunnar hefur aukist til muna eftir að gengi hennar var látið á flot. Aukið flökt hefur áhrif á hagkerfið í heild sinni en ekki síst hefur það áhrif á millilandaviðskipti og fjárfestingu erlendra aðila. Bein erlend fjárfesting er mikilvægur liður í milliríkjaviðskiptum og aukinni alþjóðavæðingu síðustu áratuga. Áhugavert er því að skoða hvort gengisflökt hafi áhrif á beina erlenda fjárfestingu hérlendis. Markmið þessarar ritgerðar var að athuga hvort samband væri á milli raungengisflökts íslensku krónunnar og innflæði beinnar erlendrar fjárfestingar. Niðurstöður gáfu til kynna ómarktækt, neikvætt, samband á milli breytanna. Notast var við aðhvarfsgreiningu og var svokallað GARCH líkan notað til þess að meta raungengisflökt íslensku krónunnar.