is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/38168

Titill: 
  • Að kveljast í hljóði:Upplifun karla af ófrjósemi
Námsstig: 
  • Bakkalár
Efnisorð: 
Útdráttur: 
  • Ófrjósemi er vaxandi vandi á heimsvísu og er talið að 8 - 12 % para í heiminum eigi við ófrjósemisvanda að stríða. Að lenda í því að eiga í erfiðleikum með að eignast barn tekur verulega á bæði andlega og líkamlega en segja má að ófrjósemi sé vandamál sem sprottið er af líkamlegum orsökum en með andlegum afleiðingum. Ófrjósemi getur legið annars vegar hjá konunni og hins vegar hjá karlinum en í sumum tilvikum er ekki vitað hvar orsökin liggur. Algengara er að rætt sé um konur og ófrjósemi frekar en karla og ófrjósemi en engu að síður hefur ófrjósemi mjög mikil áhrif á líf og heilsu karlmanna, ekki síður en konunnar en nokkur munur er á hvernig birtingarmynd þeirra áhrifa eru og tengist það ekki síst þeim gildum sem felast í karlmennskuhugtakinu.
    Viðfangsefni verkefnisins er að skoða ófrjósemi frá sjónarhóli karlmannsins og varpa ljósi á þeirra hlið málsins. Leitast var við að svara rannsóknarspurningunni: Hver er upplifun karla af ófrjósemi og hvernig getur hún haft áhrif á líðan þeirra? Helstu niðurstöður sýna að karlar upplifa ófrjósemi sem mikið áfall sem breytir lífi þeirra og væntingum til framtíðar. Þeir upplifa togstreitu milli sinna eigin tilfinninga gagnvart þeim væntingum sem þeim finnst vera gerðar til þeirra sem karlmenn. Um leið og þeir upplifa sterkar tilfinningar innra með sér sem þeir hafa þörf fyrir að tjá, viðurkenni samfélagið ekki að þeir megi láta þær i ljós. Kemur það niður á samskiptum þeirra bæði gagnvart makanum og hins vegar gagnvart umhverfinu.
    Hagnýtingargildi verkefnisins felst í því að sýna fram á mikilvægi umræðunnar um ófrjósemi karla með opnari hætti en nú ert gert og hvatningu til endurmats á þeim gildum sem samfélagið hefur sett sér varðandi það hvaða eiginleikum karlmenn skuli gæddir.

Samþykkt: 
  • 6.5.2021
URI: 
  • http://hdl.handle.net/1946/38168


Skrár
Skráarnafn Stærð AðgangurLýsingSkráartegund 
Rúnar Smári lokaeintak.pdf413.26 kBOpinnHeildartextiPDFSkoða/Opna
Rúnar_yfirlýsing-lokaverkefni.pdf244.94 kBLokaðurYfirlýsingPDF