Guggan: Fullkomnasta veiðiskipið

Abstract

Ritgerð þessi fjallar um frystitogarann Guðbjörgu ÍS 46 sem útgerðarfélagið Hrönn hf. á Ísafirði keypti árið 1994. Sagt er stuttlega frá tveimur stofnenda Hrannar hf. og skipasögu félagsins. Farið er yfir aflaþróun helstu fiskistofna innan lögsögu Íslands frá árinu 1970 til 2000. Í ritgerðinni er fjallað um íslenska lögsögu, aflamarkskerfið og úthafsveiðisamning Sameinuðu þjóðanna og áhrif þessa þátta á rekstur Hrannar hf. á Guggunni sem leiddi til samruna Hrannar hf. og Samherja hf. Niðurstaða ritgerðar er að ekki var rekstrargrundvöllur fyrir því að gera út Gugguna. Hvorki fyrir Hrönn hf., eða Samherja hf. eftir samrunann. Við vinnu á þessari ritgerð notast ég við heimildir um rekstur Hrannar hf. og viðtöl við aðstandendur útgerðarinnar sem birtust í opinberlega um málið á sínum tíma. Önnur gögn frá Hrönn hf. og Samherja voru ekki notuð.