Æska, sjálf og saga. Um þríleikinn Sitji guðs englar og þrenningu sjálfsævisögunnar

Abstract

Þessi ritgerð er lögð fram til B.A.-prófs í íslensku á Hugvísindasviði Háskóla Íslands. Fjallað er um bækurnar Sitji guðs englar, Saman í hring og Sænginni yfir minni eftir Guðrúnu Helgadóttur út frá kenningum sjálfsævisagnafræða. Rannsakað er hvernig þrír þættir sjálfsævisögunnar, ævi, sjálf og saga, birtast í þríleik Guðrúnar. Þar sem fengist er við kenningar um sjálfsævisögur er nauðsynlegt að fjalla um hvaða bókmenntagrein þríleikurinn tilheyrir. Í þessu samhengi eru hugtökin sjálfsævisaga, skáldævisaga og bernskuminningar sérstaklega skoðuð. Þríleikurinn hefur einkenni sem tengist öllum þessum bókmenntagreinum enda eru þær nátengdar. Guðrún Helgadóttir byggir söguna á bernsku sinni og blandar sannleikanum saman við skáldskap. Sjálfið í sögunni birtist fyrst og fremst í aðalpersónunum þremur, Heiðu, Lóu-Lóu og Öbbu hinni, sem hafa allar sín persónueinkenni og mynda saman eitt heilsteypt sjálf. Þríleikurinn sem saga er barnabók sem allir lesendur geta haft gaman af.