Var „bara“ frjáls leikur í dag? : hvaða þýðingu hefur hlutverkaleikurinn fyrir börnin okkar og hvert er viðhorf foreldra til hans?

Abstract

Í lokaverkefni þessu er fjallað um hlutverkaleikinn og hvaða þýðingu hann hefur fyrir börn því í leikskóla gegnir leikurinn mikilvægu hlutverki og má segja að hann sé hornsteinn alls leikskólastarfs. Fjallað verður stuttlega um leikinn í ljósi kenninga en þar má nefna Aristóteles, Vygotsky, Bateson, Garvey og Oloffson. Leikskólakennarar velta einatt fyrir sér hvert hlutverk þeirra er í starfi og hverjar skyldur þeirra eru gagnvart börnunum og samstarfsfólki. Farið verður stuttlega yfir hlutverk starfsfólks og þá sérstaklega hlutverk þeirra í leik barna, komið verður inn á kynjamun og samskipti barna í leik. Að lokum verður gerð stutt rannsókn þar sem rætt verður við fimm mæður leikskólabarna og þær spurðar út í hlutverkaleikinn og komist að þeirri niðurstöðu hvert þeirra viðhorf og þekking á hlutverkaleik er.