is Íslenska en English

Lokaverkefni (Bakkalár)

Háskóli Íslands > Heilbrigðisvísindasvið > B.S. verkefni - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/38436

Titill: 
  • Þekking almennings og notenda á umhirðu lausra tanngerva
  • Titill er á ensku Knowledge of removable dental prosthesis among the general public and users
Námsstig: 
  • Bakkalár
Efnisorð: 
Útdráttur: 
  • Inngangur: Notkun lausra tanngerva er algeng hjá ungum sem öldnum og er tilkomin ýmist vegna tannmissis, tannréttingar meðferðar, tannvöntunar, gnísturs eða hrota. Sjúklingar sem nota heilgóma eða parta, tannréttingatæki, bithlífar eða önnur tanngervi eiga á hættu að fást við vandamál tengd munnheilsu. Til þess að koma í veg fyrir slík vandamál þarf að upplýsa notendur tanngerva um hættur sem fylgja myndun tannsteins og bakteríum sem safnast á tækin. Eigandi tanngervisins þarf auk þess að vera meðvitaður um það hversu mikilvægt sé að þrífa munn og tanngervi reglulega og stuðla þannig að góðri munnheilsu.
    Tilgangur: Markmið rannsóknarinnar var að kanna þekkingu almennings á umhirðu lausra tanngerva.
    Aðferðir: Í þessari þversniðsrannsókn var snjóboltaúrtak notað til þess að ná til þátttakenda á samfélagsmiðlinum Facebook. Í könnuninni var spurt um tegundir tanngerva, notkun og aðferðir við þrif og bakgrunns upplýsingum safnað. Lýsandi tölfræði var reiknuð með SPSS tölfræðiforriti og niðurstöður fengnar.
    Niðurstöður: Meirihluti þátttakenda (N = 464) voru konur (82%), flestir þátttakenda (28%) voru á aldrinum 45-54 ára og höfðu lokið grunnnámi við háskóla (30%). Flestir þátttakendur höfðu reynslu af því að nota part með gervitönnum (33%). Tæplega helmingur þeirra sem nota eða hafa notað laust tanngervi höfðu fengið munnlegar leiðbeiningar um umhirðu munns og tanngervis og stór hluti þátttakenda (36%) þrifu tanngervið sitt tvisvar sinnum á dag.
    Ályktun: Ljóst er að upplýsingagjöf til notenda tanngerva er ábótavant í einhverjum tilfellum, munnlegar upplýsingar virðast ekki skila sér til lengri tíma. Meðferðaraðilar mættu huga að því hvort skriflegar upplýsingar og gagnvirkar upplýsingar á vefmiðlum gætu höfðað betur til notenda tanngerva og þar með dregið úr hættu á vandamálum tengdum tannheilsu.

  • Útdráttur er á ensku

    Introduction: The use of removable dental devices is common in most age groups, due to various oral health problems like tooth loss, malocclusion, bruxism or snoring. Patient using complete or partial dentures, orthodontic appliances, mouthguards or other dental prosthesis are at risk of oral health problems. To prevent oral health problems while using these devices, the patients must be informed of the risk of accumulation of dental plaque and oral bacteria. Nonetheless, they need to be knowledgeable of the impact of regular oral and device hygiene to maintain good oral health.
    Purpose: The aim of this study was to evaluate the awareness of the general public of cleaning procedures used for removable dental prosthesis.
    Methods: In this cross-sectional study a snowball sample was used on Facebook to involve participants in the study. The survey collected information of type of devices, use and hygiene procedures and background information. Descriptive Statistics was calculated using SPSS to present the findings.
    Results: Most of the participants (N = 464) were women (82%) and largest part (28%) were between 45-54 years of age and had completed a bachelor’s degree (30%). Partial dentures were the most (33%) frequently used prosthesis in this survey. Almost half of those who use or have used removable prosthesis had received oral instructions regarding hygiene of mouth and device and greatest part of users (36%) cleaned their devices twice a day.
    Conclusion: It is clear that removable dental prosthesis users are in some cases not being provided with sufficient information on prosthesis care, verbal information does not seem to be effective in the long run. Therapists should consider whether written information and interactive information could suit prosthesis users better, thereby reducing the risk of dental health problems.

Samþykkt: 
  • 21.5.2021
URI: 
  • http://hdl.handle.net/1946/38436


Skrár
Skráarnafn Stærð AðgangurLýsingSkráartegund 
Umhirda_gervitanna.pdf1.17 MBOpinnHeildartextiPDFSkoða/Opna
Skemman_yfirlysing_Herdis_Traustadottir.pdf43.79 kBLokaðurYfirlýsingPDF