en English is Íslenska

Thesis (Graduate diploma)

University of Iceland > Heilbrigðisvísindasvið > Diplómaritgerðir - Heilbrigðisvísindasvið >

Please use this identifier to cite or link to this item: http://hdl.handle.net/1946/38506

Title: 
  • Title is in Icelandic Flatargeislun í röntgenrannsóknum af lungum og kvið. Er munur á milli tækja og staða?
Degree: 
  • Graduate diploma
Keywords: 
Abstract: 
  • Abstract is in Icelandic

    Inngangur: Samkvæmt Alþjóðlega geislavarnaráðinu ættu öll lönd að hafa einhver geislaskammtaviðmið. Ísland hefur ekki enn sett sér geislaskammtaviðmið fyrir röntgenrannsóknir en Geislavarnir ríkisins eru að safna upplýsingum um dæmigerða geislaskammta; dæmigerðir geislaskammtar eru fengnir með því að finna miðgildi flatargeislunar hjá hópi sjúklinga í ákveðinni rannsókn með ákveðnum búnaði, upplýsingum um meðalstóra sjúklinga er aðeins safnað en ef hæð og þyngd sjúklinga er ekki þekkt þarf úrtakið að vera að lágmarki 50 rannsóknir. Geislavarnir ríkisins nota síðan þessar upplýsingar til þess að setja landsviðmið.
    Markmið: Markmið rannsóknarinnar er að bera saman flatargeislun í röntgenrannsókn af lungum og kvið á sem flestum stöðum á Íslandi þar sem röntgenmyndir eru teknar. Safnað verður nýjum upplýsingum um flatargeislun á helstu myndgreiningar stofnunum á Íslandi og dæmigerð flatargeislun borin saman við nýleg gögn um geislaskammta sem til eru hjá Geislavörnum ríkisins.
    Efni og aðferðir: Afturskyggn rannsókn, gögn skoðuð úr myndgeymslu (PACS) úr 6 tækjum staðsett á Landspítala, Íslenskri myndgreiningu, Heilbrigðisstofnun Vesturlands og Heilbrigðisstofnun Suðurlands. Gagnasöfnun fór fram í febrúar til apríl 2021. Þátttakendur rannsóknarinnar voru þeir einstaklingar 18 ára og eldri sem höfðu komið í rannsókn af annað hvort lungum eða kviðarholi á tímabilinu janúar 2020 til febrúar 2021. Fyrir hvert tæki var reiknað miðgildi, meðaltal og staðalfrávik og borin saman við nýleg gögn frá Geislavörnum ríkisins. Einnig var athugað hvort munur væri á milli tækja.
    Niðurstöður: Kviðarholsyfirlit: Dreifigreining sýndi að tölfræðilega marktækur munur reyndist vera á meðaltali flatargeislunar milli tækja, F(7, 294) = 6,171, p = 9,47x10-7. Ekki reyndist vera marktækur munur á meðaltali flatargeislunar á milli kynja, p = > 0,05. Niðurstöður sýna að ekki er sterk jákvæð fylgni milli geislaálags og fjölda mynda. Meðal flatargeislun var á bilinu 1,9 – 4,6 Gycm2 til samanburðar er NDRL í Noregi 5,5 Gycm2.
    Lungnarannsókn: Dreifigreining sýndi að tölfræðilega marktækur munur reyndist vera á meðaltali flatargeislunar milli tækja, F(7, 391) = 17,324, p = 5,4x10-20. Ekki reyndist vera marktækur munur á meðaltali flatargeislunar á milli kynja nema á einu tæki. Niðurstöður sýna að ekki er sterk jákvæði fylgni milli geislaálags og fjölda mynda. Meðal flatargeislun var á bilinu 0,2 – 0,8 Gycm2 til samanburðar er NDRL í Noregi 0,4 Gycm2.
    Umræður: Það var markmið rannnsakanda að komast að því hvort það væri marktækur munur á flatargeislun í kviðarholsyfirliti og lungnarannsóknum á milli Landspítala, Íslenskrar myndgreiningar, Læknisfræðilegrar myndgreiningar, Heilbrigðisstofnunar Vesturlands og Heilbrigðisstofnunar Suðurlands. Dreifigreining sýndi að tölfræðilega marktækur munur reyndist á milli hópanna bæði í kviðarholsyfirliti og lungnarannsókn.

Accepted: 
  • May 26, 2021
URI: 
  • http://hdl.handle.net/1946/38506


Files in This Item:
Filename Size VisibilityDescriptionFormat 
Diplomaritgerd-SignyHaraldsdottir-prenta.pdf1.47 MBOpenComplete TextPDFView/Open
20210521_101047.jpg3.83 MBLockedDeclaration of AccessJPG