Áhrif stýrðrar kennslu og fimiþjálfunar í stærðfræði á frammistöðu barna með þroskafrávik

Abstract

Markmið rannsóknarinnar var að skoða hvort þýðing kennsluhandrits og námsefnis með aðferðum stýrðrar kennslu (e. Direct instruction) og fimiþjálfunar (e. Precision teaching) bætti frammistöðu barna með þroskafrávik í orðadæmum í stærðfræði. Stýrð kennsla og fimiþjálfun eru raunprófaðar kennsluaðferðir sem endurtekið hafa sýnt árangur í almennri kennslu og sérkennslu. Námsefnið var fengið frá Morningside skólanum í Bandaríkjunum og þýtt af rannsakendum. Margfalt grunnlínusnið yfir þátttakendur var notað til þess að meta frammistöðu þátttakenda í námsefninu og árangur af íhlutun kennsluhandritsins. Niðurstöður rannsóknarinnar sýndu að færni þátttakenda jókst eftir inngrip og fækkuðu villur í svörum þeirra. Þátttakendur náðu ekki fimiviðmiðum sem sýnir fram á að frekari þjálfunar sé þörf til þess að þeir nái flugfærni (e. fluency) í námsefninu. Rannsóknin var gerð í samstarfi við Arnarskóla og var hún felld inn í almennt skólastarf þátttakenda.