is Íslenska en English

Lokaverkefni (Bakkalár)

Háskólinn í Reykjavík > Samfélagssvið / School of Social Sciences > BA Lagadeild / Department of Law >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/38600

Titill: 
  • Hefur Ísland staðið við skuldbindingar sínar samkvæmt Samningi Sameinuðu þjóðanna um réttindi barnsins, hvað varðar rétt barna til besta heilsufars sem hægt er að tryggja, og skyldu aðildarríkja sáttmálans til að kappkosta að ekkert barn fari á mis við rétt sinn til að njóta heilbrigðisþjónustu ?
Námsstig: 
  • Bakkalár
Útdráttur: 
  • Markmið þessarar ritgerðar er að skoða hvort Ísland hafi staðið við skuldbindingar sínar gagnvart 24. gr. Samnings Sameinuðu þjóðanna um réttindi barnsins, hvað varðar rétt barns til besta heilsufars sem hægt er að tryggja og skyldu aðildarríkja sáttmálans til að kappkosta að ekkert barn fari á mis við rétt sinn til að njóta heilbrigðisþjónustu. Undanfarin ár hefur orðið mikil breyting varðandi réttindi barna og þá sérstaklega hvað varðar lagaleg réttindi.
    Ritgerðinni er skipt upp í níu kafla. Í fyrsta kafla er almennur inngangur um efni ritgerðarinnar. Í öðrum kafla er farið yfir þjóðréttarsamninga. Í þriðja kafla er svo farið yfir aðdragandann að stofnun barnasáttmálans, einnig er farið yfir hugtakið barn og þróun þess, hlutverk barnaréttarnefndar Sameinuðu þjóðanna og helstu grundvallarreglur barnasáttmálans. Fjórði kafli fjallar svo um barnasáttmálann á Íslandi og valfrjálsar bókanir við hann. Í fimmta kafla er fjallað um 24. gr. barnasáttmálans sem kveður á um rétt barns til heilsuverndar, einnig er lögð sérstök áhersla á samspil 24. gr. við aðrar grundvallarreglur barnasáttmálans. Í sjötta kafla er svo fjallað um löggjöf á íslandi er varðar vernd barna og embætti umboðsmanns barna. Í sjöunda kafla er síðan fjallað um réttindi sjúklinga og löggjöf um veitingu heilbrigðisþjónustu. Í áttunda kafla er farið yfir skýrslur um framkvæmd barnasáttmálans og lokaathugasemdir barnaréttarnefndarinnar til íslenska ríkisins. Í níunda kaflanum er svo farið yfir helstu áskoranir á Íslandi í dag er varðar heilbrigðisþjónustu við börn.
    Helstu niðurstöður ritgerðarinnar eru þær að enn skorti töluvert upp á að íslensk stjórnvöld séu að uppfylla skilyrði barnasáttmálans um að tryggja börnum í íslensku samfélagi bestu mögulegu heilbrigðisþjónustu sem völ er á. Börnum er ekki tryggður aðgangur að sérhæfðri þjónustu, biðlistar eru viðvarandi vandamál, og ekki hefur verið brugðist við þeim alvarlega og aðkallandi vanda sem er hrakandi andleg heilsa íslenskra barna og ungmenna. Þannig er ljóst að íslensk stjórnvöld hafa því ekki uppfyllt ákvæði barnasáttmálans um rétt barna til heilbrigðisþjónustu og að þar er mikið verk óunnið.

  • Útdráttur er á ensku

    The main purpose of this thesis is to examine if Iceland has fulfilled its duties according to the United Nations Convention on the Rights of the Child when it comes to Article 24 which states that parties to the Convention must recognize the right of the child to the enjoyment of the highest attainable standard of health and to facilities for the treatment of illness and rehabilitation of health. The Convention further states that parties to the Convention shall strive to ensure that no child is deprived of his or her right of access to such health care services. Last couple of years there have been some enormous changes in the field of children´s rights and improvements in legislation concerning children.
    The thesis is divided into nine chapters. The first chapter is a general introduction regarding the subject of the thesis. The second chapter is about international treaties. The third chapter is about The United Nations Convention on the Rights of the Child, the background story of the Convention and the definition of a child. The third chapter also covers the role of the Committee on the Rights of the Child as well as the core principles of the Convention. The fourth chapter is about the development of the Convention in Iceland. In chapter five Article 24 is covered and its relationship to the main principles of the Convention. Chapter six is about legislation in Iceland regarding children and their protection, as well as the Ombudsman for Children in Iceland. Chapter seven provides a general introduction to health care and legislation regarding health care and the rights of patients. Chapter eight is about reports on the implementation of the Convention and the concluding comments of the Committee on the Rights of the Child to the Icelandic state. Chapter nine covers the main issues in Iceland regarding children and their health.
    The main conclusion of the thesis is that children in Iceland do not enjoy the highest attainable standard of health as required by the Convention. Children are not provided with access to specialized health services, waiting lists are a constant problem, and the Icelandic authorities have failed in their response to the current and serious situation which is the declining mental health of Icelandic children and youth. It therefore is clear that children’s right to health services is not being respected and that there is a call for immediate action.

Samþykkt: 
  • 31.5.2021
URI: 
  • http://hdl.handle.net/1946/38600


Skrár
Skráarnafn Stærð AðgangurLýsingSkráartegund 
BA ritgerð - LOKA-Erla Alexandra Olafsdottir.pdf595.63 kBOpinnHeildartextiPDFSkoða/Opna