Sprungumyndun í leiðiskóflum gufuaflsvéla 1-4 á Hellisheiði

Abstract

Verkefnið fjallað um gufuaflsvélar hjá Orku náttúrunnar. Markmiðið er að finna faglega skýringu á því hvers vegna leiðiskóflublöð gufuaflsvéla á Hellisheiði eru að springa í kverkum. Reynt verður í verkefninu að draga fram allar staðreyndir og nýta þær til að finna niðurstöðu sem er gerð á faglegan og nákvæman máta. Uppsetningin á verkefninu er að fyrst verður farið mjög gróft yfir virkni gufuaflsvéla, í framhaldi verður farið yfir hönnunar- og rekstrarforsendur véla 1-4. Því næst verður farið mjög ítarlega yfir helstu staðreyndir varðandi leiðiskóflu 1 og uppsetninguna á greiningu á blaðinu sem verður framkvæmd með Autodesk Inventor. Fram kemur hvernig helstu skilgreiningar eru fyrir módelið og hver niðurstaðan er úr módelinu. Niðurstaðan er í samræmi við uppleggið á verkefninu og í umræðunni kemur fram að verið er keyra vélar 1-4 yfir þeim forsendum sem efnið í blöðum leiðiskóflu 1 þolir. Í samantektinni verður svo farið yfir kosti og galla greiningarinnar og hvernig er hugsanlega hægt að bregðast við sprungumynduninni sem ógnar rekstraröryggi vélanna.