Áhrif styttingar vinnuvikunnar á framleiðni vinnuafls og íslenskan þjóðarbúskap : er nauðsynlegt fyrir Íslendinga að vinna eins mikið og þeir gera?

Abstract

Markmið ritgerðarinnar er að skoða hvaða þýðingu stytting vinnuvikunnar hefur á framleiðni vinnuafls og íslenskan þjóðarbúskap. Rýnt er í sögulega þróun framleiðni og vinnutíma til að leggja nánara mat á áhrif styttingar vinnuvikunnar. Íslendingar hafa í gegnum tíðina unnið meira en nágrannaþjóðir en aftur á móti er framleiðni fremur lág. Þegar samband framleiðni og vinnutíma er rannsakað kemur í ljós neikvæð fylgni þeirra á milli. Því er áhugavert að skoða hver þróun framleiðni vinnuafls verður þegar stytting vinnuvikunnar hefur verið innleidd. Jafnframt er vert að skoða hversu mikið framleiðni þarf að aukast til að koma í veg fyrir mögulegt framleiðslutap þjóðarinnar í kjölfar vinnutímastyttingarinnar. Ýmsar aðrar þjóðir hafa ráðist í aðgerðir sem stuðla að styttri og sveigjanlegri vinnutíma. Rannsóknir sem gerðar hafa verið á aðgerðum sem slíkum sýna meðal annars fram á aukna starfsánægju, bætta heilsu og vöxt í framleiðni vinnuafls. Jafnframt eru kenningar og rannsóknir til stuðnings sem sýna fram á að lengri vinnutími hafi neikvæð áhrif á velferð og framleiðni vinnuafls.