Viðhorf íslensku viðskiptabankanna til samfélagsábyrgðar og mögulegur ávinningur þeirra af innleiðingu stefnu um samfélagsábyrgð : áhersla á Heimsmarkmið Sameinuðu þjóðanna

Abstract

Ritgerð þessi er lögð fram til B.Sc. prófs í viðskiptafræði við Háskólann í Reykjavík. Í rannsókn þessari er fjallað um samfélagsábyrgð íslensku viðskiptabankanna með áherslu á Heimsmarkmið Sameinuðu þjóðanna. Aukin áhersla hefur verið á samfélagsábyrgð fyrirtækja undanfarin ár. Fjallað verður um þá þróun sem á sér stað á þessum vettvangi og sjónum beint að því hvaða hvatar liggja að baki stefnumótun fyrirtækja varðandi samfélagsábyrgð. Varpað verður ljósi á stöðu íslensku viðskiptabankanna í þróun samfélagsábyrgðar. Gerð verður grein fyrir þrýstingi frá hagaðilum íslensku viðskiptabankanna og ávinningi íslensku viðskiptabankanna af skýrri stefnu um samfélagsábyrgð. Aðferðafræðin sem notast er á við í þessari rannsókn er eigindleg nálgun. Byggt er á viðtölum sem voru tekin við forsvarsmenn íslensku viðskiptabankanna um áherslur og stefnur bankanna varðandi samfélagsábyrgð. Auk viðtalanna er stuðst við birtar upplýsingar tiltekinna viðskiptabanka, rannsóknir og fræðigreinar. Í rannsókn þessari kom skýrt fram mikilvægi þess að viðskiptabankar innleiði skýra og skriflega stefnu um samfélagsábyrgð, þar sem banki telst ekki samkeppnishæfur ef stefna um samfélagsábyrgð er ekki til staðar.Lykilorð: Samfélagsábyrgð, Heimsmarkmið Sameinuðu þjóðanna, íslenskir viðskiptabankar.