Vellíðan starfsfólks á tímum COVID-19 : er fjarvinna komin til að vera?

Abstract

Ritgerð þessi fjallar um vellíðan starfsfólks á tímum COVID-19 þar sem kannað er hvort fjarvinna sé komin til að vera. Rannsóknarspurningarnar voru tvær þar sem sú fyrri skoðar áhrif fjarvinnu á starfsfólk og sú seinni skoðar áhrif fjarvinnu á tímum COVID-19 á starfsfólk. Notast var við eigindleg hálfopin viðtöl. Tekið var fyrir eitt fyrirtæki þar sem að viðmælendur voru átta talsins. Viðmælendur voru frá mismunandi deildum og sviðum, þar á meðal voru stjórnendur, svæðisstjórar, þjálfarar og starfsfólk í þjónustuveri. Könnuð var bæði vellíðan starfsfólks í fjarvinnu og starfsfólks sem mætti til vinnu á tímum COVID-19 eins og rannsóknarspurningar gefa til kynna. Niðurstöður benda til þess að starfsfólk hafi fundið fyrir aukinni vanlíðan á tímum COVID-19 sem og við þá fjarvinnu sem innleidd var. Þrátt fyrir það sýndu rannsóknir að ákveðnir þættir fjarvinnu eru komnir til að vera með jákvæðum afleiðingum.Hugtök: Fjarvinna, vellíðan, COVID-19