Áhrif kvíða á frammistöðu knattspyrnustelpna í Yo-Yo prófi

Abstract

Í þessari ritgerð er fjallað um hvort kvíði hafi áhrif á frammistöðu ungra knattspyrnustelpna í Yo-Yo prófi. Einnig var skoðað áhrif kvíða á frammistöðu ungra knattspyrnustelpna í Yo-Yo prófi samanborið við unga knattspyrnustráka. Gerðar voru mælingar á 468 knattspyrnuiðkendum fæddum árið 2005 þar sem mælt var meðal annars þol með Yo-Yo prófi og íþróttatengdan kvíða með spurningalistanum Sport Anxiety Scale-2. Einnig er skoðað gögn um 428 þeirra í niðurstöðuum. Mælingarnar fóru fram á undirbúningstímabili fyrir keppnistímabil 2021. Fyrri rannsóknir hafa sýnt að kvíði hefur áhrif á frammistöðu og að stelpur upplifi meiri kvíða heldur en strákar. Því voru tilgáturnar í þessari rannsókn þær sömu. Niðurstöðum úr mælingum var safnað í forritið QuestionPro, þær skráðar inní forritið Excel og þaðan færðar í tölfræðiforritið SPSS þar sem öll úrvinnsla fór fram. Í niðurstöðum var sett fram lýsandi tölfræði og fylgni milli þáttanna tveggja reiknuð. Niðurstöður leiddu í ljós að kvíði hefur áhrif á frammistöðu ungra knattspyrnustelpna í Yo-Yo prófi og að kvíði hefur meiri áhrif á frammistöðu stelpnanna heldur en frammistöðu strákanna í prófinu. Niðurstöðurnar gefa góða vísbendingu um mikilvægi þess að vinna með sálfræðilega færni íþróttamanna sem getur ekki einungis komið í veg fyrir eða minnkað kvíða heldur líka bætt frammistöðu þeirra.