Samanburður á líkamlegu atgervi yngri landsliða karla í körfuknattleik : líkamlegar mælingar á U-15 ára, U-16 ára og U-18 ára

Abstract

Tilgangur rannsóknarinnar var að kanna mun á líkamlegu atgervi milli yngri landsliða karla (U-15 ára, U-16 ára og U-18 ára) í körfuknattleik. Gerðar voru líkamlegar mælingar á 87 körlum. Mælingarnar voru níu í heildina; hæð, þyngd, faðmlengd, 10 og 15 metra sprettir, t-test, körfubolta brjóstsending, line drill og Yo-Yo intermittent recovery test level 1. Niðurstöðurnar sýndu marktækan mun á milli hópanna í sex af níu mælingunum. Í hæð, þyngd, faðmlengd, körfubolta brjóstsendingunni voru U-16 ára og U-18 ára hóparnir marktækt betri en U-15 ára hópurinn. Í t-test var U-18 ára hópurinn marktækt hraðari en U-15 ára hópurinn og í line drill var U-16 ára hópurinn marktækt hraðari en U-15 ára hópurinn. Í þeim mælingum sem sýndi marktækan mun var U-15 ára hópurinn alltaf með marktækt slökustu frammistöðuna. Niðurstöðurnar eru þær að það er munur á líkamlegu atgervi á milli aldurshópa og að yngri leikmenn eru með slakari frammistöðu. Þar sem fáar rannsóknir eru til um samanburð á milli þessara aldurshópa þá væri hægt að gera mun betur í mælingum og rannsóknum til að ná fram niðurstöðum um hvort að mismun sé að ræða, því líkamlegar mælingar eru mikilvægar til þess að meta og hámarka árangur leikmanna