is Íslenska en English

Lokaverkefni (Bakkalár)

Háskólinn á Akureyri > Hug- og félagsvísindasvið > B.A./B.Ed./B.S. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/38928

Titill: 
  • „Þetta gekk ekki, þetta gekk ekki nógu vel.“ : um upplifanir gagnkynhneigðra para á jafnræði sín á milli, inni á heimilinu, fyrir og eftir að þau réðu til sín heimilishjálp.
Námsstig: 
  • Bakkalár
Útdráttur: 
  • Eftir að konum fjölgaði á vinnumarkaði og sífellt fleiri konur sinna ábyrgðarstöðum í atvinnulífinu hefur eftirspurn eftir utanaðkomandi heimilishjálp aukist á Íslandi. Markmið þessarar rannsóknar er að skoða hvernig gagnkynhneigð pör upplifa jafnræði sín á milli inni á heimilinu, fyrir og eftir að þau réðu til sín utanaðkomandi heimilishjálp. Í rannsókninni var notuð eigindlega rannsóknaraðferð. Rannsóknin byggist á viðtölum við þrjú gagnkynhneigð pör á aldrinum 35-52 ára, þar sem rætt var við karlinn og konuna hvort í sínu lagi.
    Niðurstöður leiddu í ljós að helsta ástæðan fyrir því að þátttakendur réðu til sín utanaðkomandi heimilishjálp var vegna skorts á tíma til að sinna börnum, fjölskyldu, heimili og atvinnu. Fyrir komu heimilishjálparinnar töldu þátttakendur almennt að heimilisstörfin legðust þyngra á herðar kvennanna heldur en karlanna. Störf heimilishjálparinnar fólust almennt í því að vera parinu innan handar á álagstímum og sinna hinum hefðbundnu kvennastörfum sem konan sinnti oftast fyrir komu heimilishjálparinnar samkvæmt þátttakendum.
    Eftir komu heimilishjálparinnar upplifðu öll pörin fleiri stundir með börnum sínum, sama hvort um gæða- eða vinnustundir með þeim væri að ræða. Þátttakendur virtust einnig upplifa minna stress og meira jafnvægi á heimilinu á álagstímum. Einnig var minna um togstreitu og ágreining hjá pörunum. Niðurstöður benda þó til þess að konur sjá í meiri mæli um þriðju vaktina og gera má ráð fyrir að með komu heimilishjálparinnar hafi sú vakt orðið enn lengri hjá konunum, því að við hana bættist verkstjórn og umönnun heimilishjálparinnar sjálfrar.

  • Útdráttur er á ensku

    In the last decades the number of women in the labour market has increased and more and more women hold positions of power in the workplace. As a result of that, the demand for au pair has increased in Iceland. The aim of this study is to examine how heterosexual couples experience equality among themselves within the home, before and after they hired au pair. The study used a qualitative research method. The study is based on interviews with three heterosexual couples aged 35-52, where the man and the woman were interviewed separately.
    The results show that the main reason why participants hire au pair was due to a lack of time to take care of children, family, home and work. Prior to the arrival of the au pair the participants generally felt that household chores were primarily being done by women rather than the men. The helps job generally consisted of being at hand for the couple during peak hours and completing the traditionally job of the woman that the woman usually did before the home help arrived at the homes, according to the participants.
    After the arrival of the au pair, all the couples experienced more hours with their children, regardless of whether it was quality or working hours. Participants also seemed to experience less stress and more balance in the home during times of stress. There was also less tension and disagreement among the couples themselves. The results indicate, however, that women are more likely to take on of the third shift and it can be assumed that with the arrival of the au pair, that that shift becomes even longer for the women, as it then includes the management and care of the housekeeper.

Samþykkt: 
  • 14.6.2021
URI: 
  • http://hdl.handle.net/1946/38928


Skrár
Skráarnafn Stærð AðgangurLýsingSkráartegund 
Harpa(BA-ritgerð).pdf546.56 kBOpinnHeildartextiPDFSkoða/Opna