is Íslenska en English

Lokaverkefni (Bakkalár)

Háskólinn á Akureyri > Hug- og félagsvísindasvið > B.A./B.Ed. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/38967

Titill: 
  • Löggæsla í fjölmenningarsamfélagi : traust minnihlutahópa til lögreglu
Námsstig: 
  • Bakkalár
Útdráttur: 
  • Lagasetningar flesta vestrænna landa einkennast af banni við mismunun og af ákvæðum um að allir séu jafnir fyrir lögum. Þrátt fyrir það myndast ákveðnir félagslegir hópar innan samfélaga, til að mynda forréttindahópar, sem hafa meiri möguleika en aðrir á hinum ýmsu lífsgæðum, og síðan minnihlutahópar, sem þurfa sífellt að berjast gegn mismunun og fordómum. Mismunandi er á milli samfélaga hvaða einstaklingar teljast til minnihlutahópa en eiga þeir það þó sameiginlegt að vera allir jaðarsettir innan samfélags vegna einkenna þeirra, hvort sem það er kynþáttur, kynhneigð, trú, litarháttur, fötlun eða önnur sérkenni.
    Á Íslandi heyrist oft að hér séu fordómar í undanhaldi en er það ákveðið einkenni af forréttindablindu, þar sem einstaklingar innan forréttindahóps neita að viðurkenna tilvist ójafnréttis og þeirrar mismunar sem minnihlutahópar verða fyrir. Birtingarmynd fordóma hefur þó vissulega breyst með árunum, en mikilvægt er að átta sig á því að þeir eru þó enn til staðar í samfélaginu. Íslendingar eiga það til að bera sig saman við lönd eins og Bandaríkin, þar sem fordómar og mismun í garð svartra er mjög augljós, og þar sem fordómar á Íslandi einkennast sjaldnast af líkamlegu ofbeldi, líkt og í Bandaríkjunum, telja sumir að fordómarnir séu þá ekki til staðar á Íslandi. Þeir fordómar sem eiga sér stað á Íslandi hafa því frekar í för með sér andlegar afleiðingar heldur en líkamlega áverka.
    Í Bandaríkjunum hefur samband svartra og lögreglu mikið verið skoðað og hefur lögreglan verið talin beita svarta frekar ólögmætu valdi en nauðsynlegt er að mati sjónarvotta. Hafa svartir einstaklingar hafið baráttu gegn þessari valdbeitingu lögreglu og stjórnvalda með hreyfingum eins og Black Lives Matter. Vekur það upp efasemdir um að minnihlutahópar, eins og svartir í Bandaríkjunum, beri í raun traust til lögreglu.
    Markmið þessarar ritgerðar er að skoða hina ýmsu minnihlutahópa og að komast að því hvort traust til lögreglu sé mismunandi eftir því hvort það séu forréttindahópar sem eiga í hlut eða minnihlutahópar. Ásamt því verður skoðað hvaða möguleikar eru fyrir lögreglu til að reyna að auka traust minnihlutahópa í garð hennar.

  • Útdráttur er á ensku

    The legislation of many western countries is characterized by a ban on discrimination and provisions that everyone is equal before the law. Nevertheless, within most societies there are various groups, for example privileged groups, who have more opportunities than others for the various quality of life, and then minority groups, who constantly must fight against discrimination and prejudice. There are differences between communities as to which individuals are considered minorities, but they all have in common that they are all marginalized within a community because of their characteristics, whether it is race, sexual orientation, religion, color, disability or other personal characteristics.
    In Iceland, it is often heard that prejudice is receding here, but it is a definite symptom of privileged blindness, as individuals within a privileged group refuse to acknowledge the existence of inequality and the differences suffered by minorities. The manifestation of prejudice has certainly changed over the years, but it is important to realize that it is still in society. Icelanders tend to compare themselves with countries such as the United States, where prejudice and differences towards blacks are very obvious, and since prejudice in Iceland is rarely characterized by physical violence, as in the United States, some believe that prejudice does not exist then in Iceland. The prejudices that take place in Iceland have more emotional consequences than physical injuries.
    In the United States, the relationship between blacks and the police has been widely examined. The police have been considered to use illegitimate force towards black people more than necessary according to bystanders. Blacks have begun to oppose this use of force by the police and the government through movements such as the Black Lives Matter. This raises doubts that minorities, such as blacks in the United States, actually trust the police.
    The aim of this dissertation is to examine the various minorities and to examine whether trust in the police differs depending on whether it is privileged groups that are involved or minorities. As well as, examining what possibilities are available for the police to try and earn trust from minorities.

Samþykkt: 
  • 14.6.2021
URI: 
  • http://hdl.handle.net/1946/38967


Skrár
Skráarnafn Stærð AðgangurLýsingSkráartegund 
Löggæsla í fjölmenningarsamfélagi - Rannveig Þórunn lokaútgáfa.pdf537.16 kBOpinnHeildartextiPDFSkoða/Opna