Að rækta garðinn sinn

Abstract

Ég nálgaðist minn eigin garð eins og landkönnuður í tíu daga á milli klukkan 10:00 og 12:00. Fyrst sat ég í stól og skráði niður allt sem ég skynjaði. Frá klukkan 11:00 til 12:00 gekk ég svo um og gaf öllu því sem finna má í garðinum gaum. Á göngunni gat ég einnig veitt því athygli sem á sér stað í jaðri hans. Ég fylgdist með blómum blómgast og snjónum bráðna. Markmiðið var að þjálfa mig sjálfa upp í að taka betur eftir nærumhverfi mínu. Eftir tíu daga var ég orðin hrifnæmari; ég heillaðist af breytingunum í garðinum og tók að bera meiri virðingu fyrir þeim kröftum sem þar starfa.