Draumkennd raunveruleikans

Abstract

Í ritgerðinni tengi ég saman tvær hugmyndir innan myndlistar, hugmynd um lífið og listina sem órjúfanlega heild og einnig hugmyndir um leikrænt ferli þess að vera höfundur. Ég set spurningamerki við að lífið og listin séu í raun órjúfanleg heild. Ég velti fremur fyrir mér hvort við förum í hlutverk listamannsins með því að setja upp þau gleraugu að lífið og listin séu órjúfanleg samstæða. Ef lífið og listin eru eitt getum við skynjað raunveruleikann með fjarlægð, með þeirri afleiðingu að hversdagurinn verður draumkenndur. Og þar kviknar efinn um samspil þessara ólíku þátta. Í þessari ritgerð mun ég gera atlögu að niðurstöðu, með hliðsjón af minni eigin list og þeim listamönnum sem hafa haft áhrif á mig.