is Íslenska en English

Lokaverkefni (Bakkalár)

Listaháskóli Íslands > Myndlistardeild / Department of Fine art > Lokaritgerðir / Theses (BA) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/39313

Titill: 
  • Eigin myndlist í stærra samhengi : samtal, leikur og hversdagshlutir
Námsstig: 
  • Bakkalár
Útdráttur: 
  • Í eftirfarandi ritgerð fjalla ég um mína eigin listsköpun í samhengi myndlistarsögunnar og leitast við að finna tengingu milli verka minna og annarra listamanna. Lykilhugtök sem ég tek til umfjöllunar og nota til greiningar á verkum mínum eru „samtal“, „leikur“ og „hversdagshlutir“. Meðal þess sem ég fjalla um er sú grundvallarbreyting sem varð í hugsun og starfsemi myndlistarmanna og skilgreiningu myndlistar við sköpun „readymade“ verka franska dadaistans Marcel Duchamps úr fundnum hlutum og áhrif hennar á þróun myndlistar. Auk þess velti ég fyrir mér hvernig þessi útvíkkun listhugtaksins hefur mótað mína myndlist. Ég beini sjónum sérstaklega að nokkrum lykilaðferðum sem ég hef notast við í eigin verkum, einkum notkun fundinna hluta og lífræns efnis og matar, en jafnframt eignarnám (e. appropriation) og vísanir mínar í verk annarra listamanna. Í því samhengi fjalla ég sérstaklega um hvernig matur hefur verið notaður við listsköpun í gegnum tíðina og í hvaða tilgangi. Jafnframt velti ég fyrir mér hlutverki leiks og gríns í eigin verkum og ber saman við verk annarra listamanna. Lykilspurning sem ég velti fyrir mér varðar stöðu listamannsins í samfélagi nútímans og hvert hlutverk listamanna er. Skilgreining myndlistarhugtaksins hefur verið mér hugleikin í minni eigin sköpun og í ritgerðinni legg ég áherslu á samtalið sem á sér stað milli myndlistarmannsins, áhorfandans og samfélagsins, hvernig það mótar skilning okkar á myndlist og túlkun hennar. Auk þess að greina eigin verk og annarra listamanna styðst ég við ritaðar, fræðilegar heimildir og viðtöl við listamenn. Það er von mín að þessi ritgerð nýtist mér við gerð væntanlegs útskriftarverks úr Listaháskóla Íslands vorið 2021. Ég sé fyrir mér að ég muni vinna enn frekar úr hugtökunum og hugmyndunum sem teknar eru til umfjöllunar í þessari ritgerð.

Samþykkt: 
  • 15.6.2021
URI: 
  • http://hdl.handle.net/1946/39313


Skrár
Skráarnafn Stærð AðgangurLýsingSkráartegund 
MIO_BA_GREINA-_OG_RITGERÐ_SKEMMAN.pdf2.63 MBOpinnHeildartextiPDFSkoða/Opna