Hefur gæðastjórnun og stöðluð vinnubrögð verkefnastjórnunar áhrif á niðurstöður verkefna?

Abstract

Hvernig viljum við að niðurstaða verkefnis okkar sé? Jú, í fullkomnum heimi væri hún sú að allt hefði gengið hundrað prósent upp. Tímaáætlun, kostnaðaráætlun, gæðaáætlun og þess háttar hefði farið fram úr björtustu vonum, en það er ekki alltaf tilfellið. Verkefni geta verið mjög mismunandi, allt frá stærð þeirra til tegundar. Verkefnastjórnun leikur stórt hlutverk í framkvæmdaverkefnum og er undirbúningur lykilatriði, sem og stjórnun allan líftíma verkefnisins. Verkefnastjórar á Íslandi hafa haldið uppi umræðu um hversu víðtækur eða útbreiddur titillinn verkefnastjóri sé og að hann sé í raun og veru notaður um störf sem jafnvel fela ekki í sér eiginlega verkefnastjórnun. Oft gleymist eða er ekki vilji til að aðgreina menntaða verkefnastjóra og verkefnastjóra með mikla reynslu, frá öðrum sem hafa starfstitilinn verkefnastjóri.Aðaltilgangur rannsóknar þessarar er að skoða hvort og hvernig verkefnastjórar notast við gæðastjórnun og stöðluð vinnubrögð við undirbúning og stjórnun verkefna.