is Íslenska en English

Lokaverkefni Háskóli Íslands > Menntavísindasvið > B.A./B.Ed./B.S. verkefni - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3946

Titill: 
  • Börn og foreldrar : þjónusta Fjölskyldudeildar Akureyrarbæjar við ung fötluð börn og foreldra þeirra
Höfundur: 
Útdráttur: 
  • Verkefnið fjallar um þjónustu Fjölskyldudeildar Akureyrarbæjar við ung fötluð börn og foreldra þeirra.
    Í því skyni að varpa ljósi á það sem vel er gert og það sem betur má fara í félagslegri þjónustu var byrjað á því að fræðast um sviðið út frá lagalegri umgjörð og rannsóknum. Einnig félagslegum sjónarhornum á fötlun, snemmtækri íhlutun og fjölskyldumiðaðri þjónustu þar sem horft er á þarfir einstaklings út frá félagslegu umhverfi og þjónusta við barn og fjölskyldu byggist á víðum skilningi á raunverulegum þörfum. Síðan var upplýsinga aflað með þátttökuathugun á Fjölskyldudeild, rituðum heimildum og viðtölum við tvo foreldra fatlaðra barna í leikskóla og tvo starfsmenn Fjölskyldudeildar.
    Niðurstöður sýndu að vel er staðið að þjónustu Fjölskyldudeildar við ung fötluð börn í samræmi við æskileg viðmið laga og hugmyndafræði og að foreldrar eru almennt ánægðir með þjónustuna og umgjörð hennar. Huga þarf hins vegar betur að persónulegum stuðningi við foreldra og ráðgjöf í upphafi, hvernig best megi koma upplýsingum á framfæri við foreldra og efla enn frekar þátttöku þeirra í þjónustu við barnið.
    Lykilorð: Félagsleg sjónarhorn á fötlun, fjölskyldumiðuð þjónusta.

Samþykkt: 
  • 7.10.2009
URI: 
  • http://hdl.handle.net/1946/3946


Skrár
Skráarnafn Stærð AðgangurLýsingSkráartegund 
Lokaverkefni.pdf615.66 kBLokaðurHeildartextiPDF