en English is Íslenska

Thesis (Bachelor's)

Bifröst University > Félagsvísinda- og lagadeild > Lokaverkefni í Félagsvísinda- og lagadeild (BA/BS) >

Please use this identifier to cite or link to this item: http://hdl.handle.net/1946/39560

Title: 
  • Title is in Icelandic Refsilögsaga íslenska ríkisins
  • The criminal jurisdiction of the Icelandic state
Degree: 
  • Bachelor's
Abstract: 
  • Abstract is in Icelandic

    Í lokaverkefninu er leitast eftir að útskýra fræði og hugtök sem ákvarða mörk refsilögsögu. Helstu hugtök að baki lögsögureglum eru skoðuð svo sem forráðasvæðis-, þegna-, hagsmuna- öryggis- og allsherjarregla og þá er einnig litið til fánaríkja-, staðar- og dómstólalögsögu ásamt úrlendisrétti. Réttarheimildir framsalslaga, landhelgislaga, almennra hegningarlaga og meginreglunnar um bann við tvöfaldri refsingu eða tvöföldu refsinæmi verknaðar (lat. ne bis in idem) eru könnuð í tengslum við álitaefni refsilögsögu ásamt öðrum viðeigandi réttarheimildum. Allsherjarlögsaga er tiltölulega ný lögsöguregla sem hefur vaxið mjög að umfangi eftir seinni heimsstyrjöldina. Hafa fjölmargar verknaðarlýsingar refsiákvæða verið leiddar í lög á Íslandi vegna fullgildingar alþjóðasamninga sem hafa ígildi allsherjarlögsögu. Eru réttaráhrif samninganna skoðuð og gerð grein fyrir þeim refsiákvæðum sem innleidd hafa verið í íslenskan rétt vegna þeirra.
    Refsilögsaga íslenska ríkisins nær til staðarlögsögu og allsherjarlögsögu þess með þeim takmörkunum sem leiðir af þjóðarétti. Hún nær til brota sem framin eru erlendis, þegar afleiðingum brots er ætlað að koma fram innan forráðasvæðis íslenska ríkisins ásamt því að refsingar innan hennar verða að taka tillit til meginreglunar ne bis in idem. Staðarlögsaga íslenska ríkisins inniheldur forráðasvæðisreglu, þegnreglu, verndarreglu og öryggisreglu.
    Reglan um allsherjarlögsögu hefur meðal annars þann tilgang að ná til afbrotamanna sem eru á ferðinni eða dyljast á forráðasvæði aðildarríkis að þjóðréttarsamningi sem skilgreinir afbrot viðkomandi sem alþjóðaglæp eða fjölþjóðaglæp. Allsherjarlögsagan er þeim takmörkunum háð að hún nær í flestum tilfellum eingöngu til þegna aðildarríkja viðkomandi þjóðréttarsamnings, en aftur á móti að þá eru nánast öll lönd heimsins aðilar að þeim þjóðréttarsamningum sem lýsa alþjóðglæpi refsiverða.

Accepted: 
  • Jun 29, 2021
URI: 
  • http://hdl.handle.net/1946/39560


Files in This Item:
Filename Size VisibilityDescriptionFormat 
Bjarni Hrafnkelsson_BS_lokaverk.pdf733.93 kBOpenComplete TextPDFView/Open
Yfirlysing_BjarniHrafnkelsson.pdf49.6 kBLockedDeclaration of AccessPDF