is Íslenska en English

Lokaverkefni (Bakkalár)

Háskóli Íslands > Menntavísindasvið > B.A./B.Ed./B.S. verkefni - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/39590

Titill: 
  • „Maður lifði bara fyrir það að komast í burtu“ : upplifun einstaklinga sem hafa alist upp á heimili þar sem foreldri/foreldrar glímdu við áfengis- og/eða vímuefnafíkn
Námsstig: 
  • Bakkalár
Útdráttur: 
  • Börn eru viðkvæmur hópur og er það hlutverk foreldra að sýna þeim umhyggju, vernda þau og virða. Ásamt því að styðja, leiðbeina og aga þau í samræmi við þroska þeirra. Þegar foreldrar glíma við áfengis- og/eða vímuefnafíkn verða þeir gjarnan helteknir og allt annað fellur í skuggann, þar á meðal börn þeirra. Fræðin segja okkur það að alast upp við slíkar heimilisaðstæður hefur oft á tíðum gríðarlega neikvæðar og langvarandi afleiðingar fyrir börn; á tengslamyndun, andlega heilsu og námsgengi. Meginmarkmið rannsóknarinnar er að varpa ljósi á upplifun einstaklinga sem hafa alist upp á heimili þar sem foreldri/foreldrar glímdu við áfengis- og/eða vímuefnafíkn. Með áherslu á að skoða hvernig heimilisaðstæður lituðu tengslamyndun, andlega heilsu og námsárangur þeirra. Rannsóknin er af eigindlegum toga og fór gagnaöflun fram á þann hátt að tekin voru viðtöl við sex einstaklinga, fjórar konur og tvo karla, á breiðu aldursbili. Helstu niðurstöður leiddu í ljós að seigla getur komið einstaklingum langt en það að alast upp við slíkar heimilisaðstæður hefur þó bæði neikvæðar og langvarandi afleiðingar fyrir einstaklinga hvað varðar tengslamyndun, andlega heilsu og námsgengi. Niðurstöður rannsóknarinnar eru mikilvægar vegna þess að þær opna umræðuna og undirstrika hversu brýnt það er að halda þétt utan um þennan viðkvæma hóp sem börn áfengis- og vímuefnaneytenda eru.

Samþykkt: 
  • 30.6.2021
URI: 
  • http://hdl.handle.net/1946/39590


Skrár
Skráarnafn Stærð AðgangurLýsingSkráartegund 
Lokaverkefni í uppeldis og menntunarfræði - Alexandra og Sóley.pdf719.33 kBOpinnHeildartextiPDFSkoða/Opna
Yfirlýsing-Alexandra og Sóley Ágústa.pdf132.76 kBLokaðurYfirlýsingPDF