is Íslenska en English

Lokaverkefni (Bakkalár)

Háskóli Íslands > Menntavísindasvið > B.A./B.Ed./B.S. verkefni - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/39593

Titill: 
  • Barnabækur til fræðslu um fötlun og fjölbreytileika : mikilvægi jákvæðra birtingarmynda fötlunar
Námsstig: 
  • Bakkalár
Útdráttur: 
  • Bókin okkar, Enginn er eins, er hugsuð sem eins konar verkfæri sem nýtist foreldrum og fagfólki skóla til þess að fræða börn á leik- og grunnskólaaldri um fötlun og fjölbreytileika. Við höfum tekið eftir því að það er lítið til af fræðsluefni fyrir börn um fötlun og fjölbreytileika og spurningar barna um þessi málefni eru oftar en ekki hundsaðar. Við teljum það geta stafað af því að fólk veit ekki hvernig á að svara spurningunum eða finnst aðstæðurnar óþægilegar. Bókin er því gerð til þess að börn fái fræðslu og til þess að hjálpa foreldrum að svara mögulegum spurningum barna. Hún inniheldur sex smásögur af börnum sem segja frá sjálfum sér og skerðingunni sem þau sjálf búa við eða fjölskyldumeðlimur býr við, ásamt mögulegu umræðuefni við lok lesturs bókarinnar. Verkefnið byggir á félagslegum skilningi á fötlun þar sem gengið er út frá því að fötlun verði til þegar fólk sem býr við skerðingu rekst á hindranir í samfélagslegu umhverfi sínu.
    Með bókinni gerðum við greinargerð þar sem rýnt er í störf þroskaþjálfa í leik- og grunnskóla, hvaða hlutverk fagfólk skóla spilar í sambandi við fræðslu um fötlun. Þá er rætt um hlutverk foreldra sem fyrirmyndir við mótun viðhorfa, mikilvægi fræðslu barna og mikilvægi birtingarmynda í barnabókmenntum. Einnig reynum við að svara því hvernig barnabókmenntir geta nýst foreldrum og fagfólki skóla til fræðslu. Við tókum viðtöl við fatlað fólk og aðstandendur fatlaðs fólks til þess að styðjast við í skrifum okkar á bókinni og greinargerðinni. Við gerð verkefnisins komumst við að því að mikilvægt er að byrja að fræða börn snemma og foreldrar og fagfólk skólakerfisins gegnir stóru hlutverki í mótun viðhorfa barna. Þá er ljóst að hægt er að notast við barnabókmenntir til fræðslu um fötlun og fjölbreytileika, svo lengi sem bækurnar sýna jákvæðar birtingarmyndir fötlunar.

Samþykkt: 
  • 30.6.2021
URI: 
  • http://hdl.handle.net/1946/39593


Skrár
Skráarnafn Stærð AðgangurLýsingSkráartegund 
Barnabækur til fræðslu_mef6_arb59.pdf1.16 MBOpinnGreinargerðPDFSkoða/Opna
Enginn er eins_mef6_arb59.pdf1.68 MBLokaður til...21.01.2100BókPDF
Yfirlýsing_Lokaverkefni_11.05.2021.pdf39.74 kBLokaðurYfirlýsingPDF