Kósíkvöld! : nærum líkama, anda og sál

Abstract

Börn eru í vaxandi mæli að þróa með sér lífstílstengda sjúkdóma sem hægt er að beintengja við breyttar neysluvenjur þeirra, aukna sykurneyslu sem og minni hreyfingu. Þessir þættir hafa allir áhrif á stóru myndina þegar kemur að því að meta heilsu barna. Embætti landlæknis hefur gefið út fæðuráðleggingar sem styðja við almenna heilsu einstaklinga. Rík áhersla er lögð á að kenna samkvæmt Aðalnámskrá grunnskólanna hér á landi og er þá heimilisfræðikennsla ein af þeim námsgreinum sem kennd er. Heimilisfræðikennarar eiga að kenna með tilliti til ráðlegginga Embættis landlækni með heilsuhegðun að leiðarljósi. Námsefni frá Menntamálastofnun Íslands hefur verið gefið út námsefni heimilisfræðikennurum til stuðnings. Einnig geta heimilisfræðikennarar nýtt sér ýmsa aðra möguleika til kennslu, t.d. sérútbúin námsefni unnin af heimilisfræðinemum. Í ljósi rannsókna um neikvæða þróun um heilsufar barna á Íslandi kviknaði sú hugmynd um gerð bæklings með uppskriftum sem hægt er að styðjast við bæði í kennslu en einnig fyrir nemendur til þess að nota heima. Áhersla er lögð á næringaríka eftirrétti þar sem Ráðleggingar um mataræði frá Embætti landlæknis voru höfð að leiðarljósi. Tilgangur bæklingsins er þannig að styðja við heilsu ungmenna með því að kynna þau fyrir næringaríkum eftirréttum sem hægt er að njóta hvenær dags sem er.