Hvar er best að byrja? : greinargerð með handbók fyrir kennara

Abstract

Upplýsingatækni teljum við vera orðin óumflýjanlegan þátt í skólastarfi. Íslenska er þar engin undantekning og voru skoðaðar mögulegar ástæður fyrir því hvers vegna tæknin er minna notuð á þeim vettvangi í þessu verkefni. Farið er yfir sögu íslenskukennslu og tilkomu tækninnar og þeirri þróun sem orðið hefur í skólastarfi. Gerð var grein fyrir stefnumálum stjórnvalda er varða tækni á íslenskri tungu. Skólarnir vinna eftir aðalnámskrá grunnskóla og þar kemur skýrt fram að styðjast eigi við upplýsingatækni við kennslu. Spurningin sem lögð er upp með í þessu verkefni er hvort auka megi notkun upplýsingatækni í íslenskukennslu með því að koma til móts við kennara sem óöruggir eru við skrefið sem stíga þarf til að bæta tækni inn í kennslu sína. Markmiðið er því að hvetja þá íslenskukennara sem styttra eru komnir til að nota upplýsingatækni í kennslu sinni til að koma til móts við þarfir nútímanemenda. Þessari greinargerð fylgir handbók með einföldum leiðbeiningum sem ætluð er að auðvelda kennurum og skólastarfsfólki að efla færni sína á sviði upplýsingatækninnar.