Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/39669
Greinargerðin ásamt handbókinni er lokaverkefni okkar til BA-gráðu í þroskaþjálfafræðum við Háskóla Íslands. Í greinargerðinni koma fram þær upplýsingar sem þurftu til þess að útbúa handbókina. Rannsóknarspurningin er “hvernig er hægt að gera hreyfingu aðgengilega og skemmtilega fyrir nemendur á starfsbrautum?”. Markmiðið með handbókinni er að útbúa verkfæri fyrir nemendur starfsbrauta til þess að gera hreyfingu skemmtilega. Bókin hefur heitið “Hreyfing dagsins og góð ráð” og gengur út á að aðstoða nemendur á starfsbrautum framhaldsskóla að stunda hreyfingu bæði innan og utan skóla. Bókin inniheldur æfingar sem nemendur geta stundað heima, í skólanum, með fjölskyldu og vinum, góð ráð til þess að lifa heilbrigðum lífstíl ásamt upplýsingum sem eiga að vera hvetjandi fyrir nemendurna. Mikil vöntun er á fræðsluefni á þessu sviði fyrir framhaldsskólanema og því er mikilvægt að til séu verkfæri fyrir þá nemendur sem þurfa á hvatningu og aðstoð tengt hreyfingu og mataræði. Í greinargerðinni er farið inn á fræðilegar kenningar um fötlun, aðalnámsskrá framhaldsskóla, lög og reglugerðir, heilsueflandi framhaldsskóla, matarræði unglinga í framhaldsskólum ásamt rannsóknum um svefn og heilsu. Miðað við niðurstöður á þeim rannsóknum sem skoðaðar voru er hreyfing unglinga ekki mikil. Því er það von okkar að handbókin nýtist nemendum á starfsbrautum vel og verði þeim hvatning til að hreyfa sig á aðgengilegan hátt.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Hreyfing-dagsins-og-góð-ráð-verkefnabók.pdf | 2.23 MB | Lokaður til...01.05.2060 | Verkefnabók | ||
Hreyfing-dagsins-og-góð-ráð-greinargerð PDF.pdf | 256.56 kB | Opinn | Greinargerð | Skoða/Opna | |
Yfirlýsing skemman -ný_GHS.pdf | 149.25 kB | Lokaður | Yfirlýsing |