Að læra í gegnum verklega reynslu : um nám í bifvélavirkjun

Abstract

Þetta verkefni er lokaverkefni til B.Ed gráðu í verk- og starfsmenntun við Menntavísindasvið Háskóla Íslands. Markmið verkefnisins er að skoða leiðir sem henta betur við kennslu í bifvélavirkjun sem gerir það áhugaverðara og veldur því að það festist betur í minni nemenda heldur en með bóknámsaðferðum sem notaðar eru í ríkari mæli í dag. Nemandinn verður um leið betur í stakk búinn til að takast á við þær öru breytingar sem eru að eiga sér stað í bílaiðninni í dag. Kennsluaðferðin auðveldar þeim líka að tileinka sér nýjungar þegar þeir hefja störf.Í ritgerðinni er gerð grein fyrir því hvernig nám í bifvélavirkjun er uppbyggt í dag, hvaða kennsluaðferðir eru notaðar og hvernig námsmat er framkvæmt. Að auki gerir höfundur grein fyrir kennslu í tveimur áföngum í bifvélavirkjun þar sem markmið kennslunnar er að þroska færni og skilning nemenda bæði í gegnum bóklegt og verklegt nám. Verklega þættinum er ætlað að dýpka skilning og nemenda, setja bóklega þætti í eðlilegt samhengi og þroska innsæi þeirra.