is Íslenska en English

Lokaverkefni (Bakkalár)

Háskóli Íslands > Menntavísindasvið > B.A./B.Ed./B.S. verkefni - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/39678

Titill: 
  • Lotta skotta sem lætur sig ekkert stoppa : leiðarvísir fyrir stúlkur með athyglisbrest með eða án hvatvísi og ofvirkni (ADHD)
Námsstig: 
  • Bakkalár
Útdráttur: 
  • Stúlkur með athyglisbrest með eða án ofvirkni (ADHD) sýna almennt minni ofvirkni/hvatvísi en drengir. Þær eru hins vegar líklegri til að glíma við innri óeirð og kvíða sem hefur hamlandi áhrif á líf þeirra. Einnig eru þær líklegri til að greinast seinna á ævinni en drengir og getur það haft slæm áhrif á sjálfsmynd þeirra og framtíðarhorfur. Því er mikilvægt að greiða þeim leið að aðferðum sem geta bætt sjálfstraustið. Ýmsar hagnýtar aðferðir eru til, svo sem hugræn atferlismeðferð (HAM), sem snýst meðal annars um að leiðrétta hugsanaskekkjur, þjálfun í félagsfærni og skipulagsaðferðir sem draga úr kvíða. Styrking sjálfsmyndar veitir vörn gegn neikvæðum áhrifum ytra og innra með manni. Tilgangur þessa verkefnis er að gera aðgengilegt efni fyrir stúlkur með ADHD, ásamt því að varpa ljósi á hversu hamlandi einkenni ADHD geta verið án viðeigandi aðstoðar.
    Unninn var leiðarvísir fyrir stúlkur frá níu ára aldri með ADHD með verkefnum sem aðstoða þær við að auka sjálfstraust sitt og vinna með einkenni ADHD á jákvæðan hátt svo þær geti tekið virkan þátt í samfélaginu. Nóg er til af efni sem er hjálplegt, en höfundur telur að leiðarvísirinn geti hjálpað þeim sem koma að málum stúlkna með ADHD, svo sem foreldrum, kennurum og þroskaþjálfum. Í leiðarvísinum er Lotta skotta kynnt til sögunnar og útskýrir hún fyrir stúlkunum hvað ADHD er og hvernig hún tekst á við einkennin í sínu daglega lífi. Hún aðstoðar þær við að skoða tilfinningar sínar og nýta þær á jákvæðan hátt. Leiðarvísirinn getur nýst þeim sem skilgreina sig á einhvern hátt sem stúlku, hvort sem þeim var úthlutað kvenkyni við fæðingu eða ekki. Í greinagerðinni sem fylgir leiðarvísinum er leitast við svara því hvað ADHD er og hvaða leiðir eru árangursríkar til þess að styðja við stúlkur með ADHD.

Samþykkt: 
  • 5.8.2021
URI: 
  • http://hdl.handle.net/1946/39678


Skrár
Skráarnafn Stærð AðgangurLýsingSkráartegund 
Leiðarvísir.pdf3.18 MBOpinnLeiðarvísirPDFSkoða/Opna
Lokaverkefni - Greinagerð pdf.pdf346.89 kBOpinnGreinargerðPDFSkoða/Opna
Yfirlýsing lokaverkefni.pdf123.63 kBLokaðurYfirlýsingPDF