Hver eru áhrif af styttingu vinnuvikunnar á gæði leikskólastarfs?

Abstract

Markmið rannsóknarinnar var að kanna hvort að stytting vinnuvikunnar hafi áhrif á gæði náms í leikskólastarfi að mati starfsfólks leikskóla í eini sveitarfélagi. Tilgangurinn með rannsókninni er að varpa ljósi á hversu vel starfsfólkið hefur kynnt sér fyrirkomulag styttingu vinnuvikunnar, hvaða áhrif hún getur haft á gæði leikskólastarfs og hvernig bregðast skuli við því. Fræðilegur hluti rannsóknarinnar fjallar um lífskjarasamninginn, lög um leikskóla og reglugerðir tengdar þeim, hlutverk og gæði leikskólastarfs, námskrár leikskóla og mat á skólastarfi. Í rannsókninni var notast við markmiðsúrtak og var lögð fram spurningarkönnun með hálf opnum og lokuðum spurning fyrir þátttakendur. Þátttakendur voru 106 starfsmenn af leikskólum í einu sveitarfélagi. Spurningarkönnunin var aðgengileg á netinu í gegnum Google Forms þar sem þátttakendur gátu svarað undir nafnleynd. Niðurstöður sýndu að mikill ávinningur er af styttingu vinnuvikunnar hvað varður vellíðan, jákvæðni og viðhorf starfsmanna, en að sama skapi er meirihluti sem metur að styttingin draga úr gæðum í leikskólastarfi og öryggi barna.