Fjárfestingar í ensku úrvalsdeildinni í knattspyrnu. Skila þær árangri?

Abstract

Markmið rannsóknarinnar er að reikna hve mikil áhrif leikmannakaup liða í ensku úrvalsdeildinni hafa á stigasöfnun liðanna. Línuleg aðhvarfsgreining var notuð til að kanna hvort fylgni sé á milli þessara þátta og þá hve mikil. Rannsóknarspurningin var hve mörg stig fá lið í enska boltanum fyrir hvert pund sem þau fjárfesta í leikmannakaup og er jákvæð fylgni á milli fjárfestingu liðanna og stigaskors(árangurs). Tilgáta rannsóknarinnar er að því meira sem lið fjárfesta því betri verður árangurinn. Fyrst voru gögnin keyrð í gegnum venjulega línulega aðhvarfsgreiningu og gögnin túlkuð sem tímaröð. Helstu niðurstöður voru þá þær að mikil fylgni er á milli þessara þátta og þ.a.l. að fjárfesting félaganna í ensku deildinni skili árangri stigalega séð. Skiptir þá engu hvort skoðuð er fjárfesting til eins, tveggja eða þriggja ára í senn.Þegar gögnin voru keyrð í gegnum fixed effects-líkan og gögnin túlkuð sem panel-gögn var útkoman einnig að fjárfesting skilar árangri en sú niðurstaða var þó ekki marktæk.