Jafnlaunavottun Reykjavíkurborgar: Innleiðing og árangur

Abstract

Rannsóknin fjallar um innleiðingu jafnlaunavottunar Reykjavíkurborgar og þau atriði sem koma að innleiðingarferlinu. Jafnrétti kynjanna á vinnumarkaði og kynbundinn launamunur hefur verið mjög umdeilt málefni í gegnum árin. Enn mælist kynbundinn launamunur bæði hjá hinu opinbera og á hinum almenna vinnumarkaði þrátt fyrir ýmsar aðgerðir stjórnvalda í jafnréttisbaráttunni. Til að reyna að ná frekari tökum á kynbundnum launamun var jafnlaunavottun lögfest árið 2017 og með lögfestingunni voru vonir bundnar við að kynbundinn launamunur heyrði sögunni til. Meginmarkmið jafnlaunavottunar er að vinna gegn kynbundnum launamun og stuðla að jafnrétti kynjanna á vinnumarkaði. Markmið rannsóknarinnar var að skoða hvort innleiðing jafnlaunavottunar hafi skilað tilætluðum árangri borgarinnar í baráttu sinni við kynbundinn launamun.