is Íslenska en English

Lokaverkefni (Meistara)

Háskólinn á Akureyri > Hug- og félagsvísindasvið > Meistaraprófsritgerðir >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/40030

Titill: 
  • Fagleg forysta skólastjóra : fræðsla, ráðgjöf og stuðningur við nýja starfshætti og umbætur í skólastarfi
Námsstig: 
  • Meistara
Útdráttur: 
  • Starfsumhverfi skólastjóra í grunnskólum landsins hefur tekið miklum breytingum hin síðari ár. Skólaþróun er orðinn stór þáttur í daglegu starfi skólastjóra þar sem reynir á faglega hæfni þeirra sem stjórnenda. Stuðningur, fræðsla og ráðgjöf vegna breyttra starfshátta er því veigamikill þáttur sem huga þarf að. Markmið rannsóknarinnar var að kanna viðhorf skólastjóra í grunnskólum landsins til hugmyndanna um faglegt lærdómssamfélag og menntun fyrir alla. Litið var til þess hversu mikla eða litla fræðslu, ráðgjöf og stuðning þeir fengu við að innleiða hugmyndirnar í skólana sem þeir störfuðu við.
    Rannsóknin var megindleg þar sem gagna var aflað með spurningalista sem sendur var rafrænt og að vori 2021 og náði hún til 173 skólastjóra, svarhlutfall var 89,5%. Niðurstöðurnar ættu að gefa góðar vísbendingar um viðhorf skólastjóranna til hugmyndanna um menntun fyrir alla og faglegt lærdómssamfélag ásamt því að varpa skýru ljósi á hver staðan er varðandi þann stuðning, fræðslu og ráðgjöf sem þeir fá þegar kemur að breytingu skólastarfs vegna stefnumótunar á vegum fræðsluyfirvalda.
    Niðurstöður rannsóknarinnar benda til þess að viðhorf skólastjóranna sé almennt mjög jákvætt gagnvart hugmyndunum um faglegt lærdómssamfélag og menntun fyrir alla þrátt fyrir að stuðningur, fræðsla og ráðgjöf af hálfu fræðsluyfirvalda væri ekki mikill. Einungis 4% þátttakenda töldu sig vera mjög eða frekar sammála því að hafa fengið stuðning vegna nýrra starfshátta þegar kemur að breytingu skólastarfs vegna stefnumótunar og um þriðjungur voru mjög eða frekar sammála því að hafa fengið viðeigandi fræðslu og ráðgjöf. Skólastjórar töldu sig í flestum tilfellum vera vel í stakk búna til að innleiða hugmyndirnar í skólana sem þeir störfuðu við og skipti þá máli sú menntun sem þeir höfðu lokið.
    Rannsóknin leggur grunninn að frekari athugunum hvað varðar aðkomu fræðsluyfirvalda sérstaklega þegar um breytta starfshætti er að ræða vegna stefnumótunar í skólastarfi.

  • Útdráttur er á ensku

    The working environment of principals in Icelandic primary schools has undergone major changes in recent years. School development has become a big part of the daily duties of principals, where their professional skills as a manager are tested. Support, education, and counselling due to changes in teaching methods are therefore an important factor that needs to be considered. The aim of the study was to examine the attitudes of principals in Icelandic primary schools regarding the ideas of a professional learning community and inclusive education. It looked at the extent of the education, counselling and support the principals received in implementing the ideas at the schools they worked at.
    The study was quantitative as data was collected using a questionnaire sent electronically and conducted in the spring of 2021. It included 173 principals and the response rate was 89,5%. The results should give a good indication of the principals´ attitudes towards the ideas of inclusive education and professional learning communities and shed some light on the situation regarding the support, education and counselling they receive when it comes to changing schools´ inner working due to policymaking.
    The results of the study indicate that the principals´ attitudes are generally very positive towards the ideas of a professional learning communities and inclusive education, even though the support, education, and counselling on the part of the education authorities was not great. Only 4% of the participants strongly or rather strongly agreed that they had received support for new ways of working when it comes to changing schools´ inner working due to policymaking, and about a third strongly or rather strongly agreed that they had received appropriate education and counselling. Principals felt that in most cases they were well placed to apply the ideas to the schools in which they worked, and that the education they had completed made a difference.
    The study lays the groundwork for further examination regarding the involvement of the education authorities, especially in the case of changes in working methods and/or teaching methods regarding policymaking in schoolwork.

Samþykkt: 
  • 25.10.2021
URI: 
  • http://hdl.handle.net/1946/40030


Skrár
Skráarnafn Stærð AðgangurLýsingSkráartegund 
Fagleg forysta skólastjóra Fræðsla, ráðgjöf og stuðningur við nýja starfshætti og umbætur í skólastarfi.pdf1.09 MBOpinnHeildartextiPDFSkoða/Opna