Vinsamlegast notið þetta auðkenni þegar þið vitnið til verksins eða tengið í það: https://hdl.handle.net/1946/4004
Ritgerð þessi fjallar um eina hlið stofnanamenningar, menningu á
vinnustöðum. Stofnanamenning hefur verið þekkt sem rannsóknarefni í
félagslegum rannsóknum um árabil. Rannsóknin er gerð eftir aðferðum
eigindlegrar aðferðarfræði. Notuð voru hálfopin viðtöl við fjóra
þátttakendur til gagnaöflunar. Markmiðið með rannsókninni er að varpa
ljósi á hvaða atriði það eru sem móta menningu á vinnustöðum. Í
fræðilega hluta ritgerðarinnar er umfjöllun um stofnanamenningu, þar
sem hún er útskýrð og skilgreind. Stofnanamenning er óáþreifanlegt
fyrirbæri. Ein skilgreining segir hana vísa í þau gildi og skoðanir sem
ekki eru sýnileg. Í fræðilega hlutanum er einnig fjallað um atriði sem hafa
áhrif á stofnanamenningu. Hlutverk forystu og leiðtoga er kynnt svo og
hvaða áhrif samskipti, hópar og hvatning hafa á menninguna. Helstu
niðurstöður rannsóknarinnar benda til þess að starfsandi á vinnustað ráði
miklu um hvernig menningin þróast. Til þess að viðhalda
eftirsóknaverðum starfsanda og þar með menningunni þurfa stjórnendur
að vera meðvitaðir um líðan starfsmanna sinna. Þeir þurfa að hvetja þá til
dáða og finna styrkleika þeirra þannig að þeir upplifi sig mikilvæga fyrir
staðinn. Starfsmenn sjálfir hafa því áhrif á hvernig menning á
vinnustöðum þróast.
Lykilorð: Menning á vinnustað.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Menning á vinnustöðum.pdf | 1,02 MB | Opinn | Heildartexti | Skoða/Opna |