Matjurtagarður sem uppspretta náms : matjurtagarður sem námsumhverfi og uppspretta náms í náttúrufræðigreinum

Abstract

Þetta lokaverkefni er samansett úr greinargerð annars vegar og kennsluverkefni hins vegar þar sem ræktun matjurtagarðs er höfð í fyrirrúmi og tengsl þess við náttúrufræðileg viðfangsefni. Tilgangur verkefnisins er að sýna fram á hvernig hægt er að tengja saman nám í náttúrufræði og ræktun matjurta í grunnskólastarfi. Verkefnið er sett upp á þann hátt að kennarar geta byggt upp fræðilegan bakgrunn í kennslustofunni og nemendur fá síðan tækifæri á því að tengja hann við ræktunina og nýti reynsluna úr matjurtagarðinum til þess að tengja við fræðin. Náttúrufræðileg umfjöllun og reynsla nemenda af ræktun styðja þannig við nám nemenda.Höfundur leitaði heimilda á veraldarvefnum í uppeldis- og menntunarfræði tímaritum, uppeldis- og menntunarfræðibókum ásamt margskonar kennsluefni tengt ræktun skólagarða. Kennsluefnið Matjurtagarður sem uppspretta náms er gert fyrir unglingastig grunnskóla í náttúrufræðigreinum með það að markmiði að dýpka nám nemenda með reynslunámi og að kennarar sjái tilgang í því að nýta ræktun matjurta sem uppsprettu náms og matjurtagarð sem námsumhverfi. Að vinna með matjurtagarð í skólastarfi getur boðið upp á fjölbreytt verkefni þar sem allir í skólanum, kennarar, nemendur og annað starfsfólk, geta tekið þátt.Í greinargerðinni er gerð grein fyrir námskenningum sem tengjast ræktun matjurta og gildi ræktun matjurta í skólastarfi. Fjallað er um ávinning þess að nýta matjurtagarð í skólastarfi, áhrif þess á námsárangur nemenda í náttúrufræði og tengingu við stefnumótun í Aðalnámskrá. Einnig er fjallað um þær hindranir sem kennarar kunna að mæta þegar hefja á matjurtarækt með nemendum. Litið er á tengingu viðfangsefnisins við íslenskt skólastarf ásamt reynslu íslenskra skóla af því að rækta matjurtir með nemendum. Að lokum er farið yfir hvers konar hugmyndir um nám sem liggja að baki kennsluverkefnisins og aðferðir útskýrðar sem þar eru nýttar.