Samræður í yngri barna kennslu

Abstract

Gæði kennslu er vítt hugtak sem erfitt er að finna eina skilgreiningu á og margir þættir sem spila þar inn í. Samkvæmt greiningarramma PLATO eru samræður í kennslu einn af tólf þáttum sem metnir eru til að greina og skilja gæði í kennslu. Rannsókn þessi er 10 eininga lokaverkefni til B.Ed. gráðu í grunnskólakennslu yngri barna við Menntavísindasvið Háskóla Íslands. Markmiðið með rannsókninni var að fá innsýn í hvernig kennari nýtir samræður í kennslustund hjá yngri börnum. Gerð var vettvangsathugun með myndbandsupptöku hjá einum bekk í grunnskóla og skráði rannsakandi hjá sér helstu atriði sem þar komu fram. Fjallað verður um fyrri rannsóknir um samræður í kennslu, Aðalnámskrá grunnskóla verður skoðuð með tilliti til þeirra, auk þess verður skoðað hvernig námsaðstæður henti best til þess að stuðla að góðum samræðum í kennslu. Farið verður í helstu niðurstöður sem mátti finna í vettvangsathugunni og þær tengdar við fyrri rannsóknir. Niðurstöður rannsóknarinnar gefa til kynna að til þess að samræður í kennslu byggi á gæðum sé til margs að hyggja, þá skiptir hlutverk, viðbrögð og skipulag kennarans þar höfuðmáli.