Sjálfvirk gólfhitahönnun með Matlab

Abstract

Þegar verið er að hanna gólfhitakerfi í byggingar er oft notað AutoCAD og slaufur hannaðar handvirkt. Þetta ferli getur verið frekar einhæft og seinlegt. Markmið verkefnisins var að gera notendavænt forrit sem styttir tíma við hönnun á gólfhitakerfum ásamt því að skila reikningum í samræmi við staðla og byggingarreglugerð. Forritið sem var gert, virkar þannig að notandi fyllir út Excel skjal í samræmi við hönnunarforsendur sínar og keyrir forritið. Forritið skilar smáforriti á textaformi sem hægt er að draga í AutoCAD og við það teiknast slaufur sjálfvirkt. Þegar slaufur eru færðar í AutoCAD teiknast þær hlið við hlið á x-ás. Forritið skilar einnig útreikningum byggðum á gólfhitastaðlinum ÍST EN 1264 í öðru Excel skjali sem hönnuður getur yfirfarið. Gerð var tilraun þar sem hannaðar voru gólfhitaslaufur í 160 m2 hús með og án hjálpar forritsins og tekinn tíminn. Þegar forritið var ekki notað tók um 80 mínútur að hanna gólfhitakerfi í húsið en þegar forritið var notað tók 43 mínútur að hanna í húsið. Mismunur á tíma sannar það að hægt er að gera ýmis hönnunarverkefni sjálfvirkari. Hægt væri þó að bæta forritið til muna og stytta tímann við hönnun enn meira ef forritið gæti tengt slaufur sjálfvirkt við gólfhitakistur.