Endurgreiðslukerfi kvikmyndagerðar : er fjárhagslegur ávinningur af endurgreiðslukerfi kvikmyndagerðar fyrir íslenska ríkið, eða er endurgreiðslukerfið menningarlegur styrkur?

Abstract

Ritgerðin rannsakar endurgreiðslukerfi kvikmyndagerðar, finna helsta ávinning endurgreiðslukerfisins og reyna að meta ágæti hennar, meðal annars efnahagslega. Til þess að komast að niðurstöðu var stuðst við gögn af Hagstofu Íslands, frá Kvikmyndamiðstöð Íslands, fyrri ársreikningar kvikmyndaframleiðslufyrirtækja voru skoðaðir til að rekja skatttekjur og að lokum voru viðtöl við framleiðslufyrirtæki tekin til að rekja þann framleiðslukostnað sem á rétt á endurgreiðslu. Niðurstöðurnar voru þær að hægt er að líta á endurgreiðsluna sem vel heppnaða fjárfestingu, það er að ríkissjóður fær til baka endurgreiðsluna (miðað við 25% endurgreiðsluhlutfall) og rúmlega það. Önnur helstu áhrif sem kvikmyndagerð hefur á hagkerfið er að skapa fulla atvinnu fyrir 704 manns árið 2020 og greinin hafði 2.429 milljóna virðisauka sama ár, sem þýðir að virðisauki á hvert starf er rúmar 3,45 milljónir á ári. Helstu jákvæðu ytri áhrif greinarinnar er í formi kvikmyndaferðamennsku sem hefur farið vaxandi og árið 2019 sögðu 39,4% ferðamanna að alþjóðlegt myndrænt efni hafi verið ein af ástæðum ferðalagsins til Íslands.